L'anayoneraCon a variant abayonera. u murtilera (), tamién conoixida como anabiera u escobiza, ye una especie d'arbusto d'o chenero Vaccinium y d'a familia Ericaceae.
Descripción Chicot arbusto caducifolio de dica 1 m d'altaria. Ramas verdas angulosas y endrezadas. As fuellas son ovals, alternas, coriacias, de color verda clara u bella cosa d'amarillencas, con as marguins finament dentadas, caducas y con peciolo curto. As flors son insignificants, de color verda rosada, con cinco petalos y sépals, se producen isoladas u de dos en dos axilars en carrazos penchants. O fruito es una baya de color negro azulau de sabor agridolce y de buen pasar que recibe a denominació d'anayónCon a variant abayón., murtilo, anabia, ugueta u oliveta de puerto.
Distribución y habitat Ye orichinario d'as zonas septentrionals d'Europa, Nortamerica y Asia. Creixe en os matiguers de montanya, soleros acidos, turberas y selva de coniferas.
Nombres Se rechistra o nombre d'anayonera en Grist, Sallent de Galligo y Sarllé y abayonera en a val de Chistau y Sant Chuan de Plan. Tamién se documenta anabiera.
En Ansó se diz escobiza y en Echo murtilera.
Notas
Referencias
Myrtillus Categoría:Flora d'America Categoría:Flora d'Asia Categoría:Flora d'Europa Categoría:Flora d'os Pireneus