Proa valdearinnoensis ye a unica especie conoixida d'o chenero extinto Proa. Ye un dinosauro ornitopodo iguanodontiano, que vivió a meyaus d'o periodo Cretacico, fa alto u baixo 112 millons d'anyos, en l'Albiense, en lo que hue ye Europa.
Descripción Proa yera un representant basal d'Iguanodontidae y teneba bels 8 metros de largaria. Proa Se distingue d'atros hadrosauriformes basals, mas que mas atros iguanodontidos, por tener un predentario que plega ta a marguin rostral, con procesos laterals diverchents. Tamién se puet diagnosticar a traviés d'una combinación unica de caracters, fila dentaria dentaria convexa dorsalment en vista lateral; fila de dients dentarios que s'estendilla caudalment dica a base de l'apofisi coronoides, plataforma entre a fila de dients dentarios y a base de l'apofisis coronoides; l'apofisi coronoides s'expandió a o largo d'as marguins rostral y caudal; maxilar careixe de proceso rostrodorsal; cuadrar recto en vista lateral; ilion con marguin dorsal convexa dorsalment, proceso supraacetabular no penchant y proceso postacetabular que s'estreita sin de crebar a pendient a o largo d'a suya marguin dorsal; proceso pubico cranial concavo a o largo d'a suya marguin dorsal pero careixe d'expansión de l'extremo distal.
Descubrimiento y investigación As suyas restas se troboron en a mena Santa María, en rocas d'a formación Escucha en Arinyo, provincia de Teruel, Andorra-Sierra d'Arcos. Iste abraca a una sola especie, dita Proa valdearinnoensis por haber estau trobada en a val d'Arinyo. Se basa en l'holotipo, MAP AR-1/19, un cranio con variellas prou completo encara que no yera articulau; amás, s'han trobau restas cranials y postcranials de cuantos individuos mas. O nombre chenerico proviene d'a palabra "proa", que fa referencia a la forma punchaguda d'o ueso predentario de l'animal, mientres que o nombre especifico se deriva de val d'Arinyo, o nombre d'o parache a on se troboron os primeros fósils. L'animal fue descrito sobre a base de tres escletos parcials y cuantos elementos d'o cranio de diferentes individuos. An unusual new basal iguanodont (Dinosauria: Ornithopoda) from the Lower Cretaceous of Teruel, Spain. Andrew T. McDonald, Eduardo Espílez, Luis Mampel, James I. Kirkland and Luis Alcalá. Zootaxa, 3595. 2012. Pach. 61–76.
Clasificación Dimpués d'un niquitoso estudio filochenetico, Proa apareixe como muit amanau a Iguanodon en a base d'os Hadrosauriformes. Ye mas basal que Hypselospinus d'o Valanchiniense y Mantellisaurus d'o Barremiense tardano y Aptiense temprano, lo que suchiere que existe un luengo "linache pantasma" dica plegar ta ista especie. En a suya osteolochía d'Hypselospinus , Norman en 2015 recuperó Proa en un Iguanodontidae monofiletico mas amanau a os Bolong y Jinzhousaurus d'Asia Oriental que a atros miembros europeus d'Iguanodontidae. Norman, D. B. (2015). "On the history, osteology, and systematic position of the Wealden (Hastings group) dinosaur Hypselospinus fittoni (Iguanodontia: Styracosterna)". Zoological Journal of the Linnean Society. 173: 92–189. doi:10.1111/zoj.12193. Verdu et al en 2017 lo recuperoron como parti d'o clado euroasiatico que incluye Xuwulong, Altirhinus, Koshisaurus y Gongpoquansaurus, Proa se trobó en a posición mas derivada como taxón chirmán de Batyrosaurus. "New systematic and phylogenetic data about the early Barremian Iguanodon galvensis (Ornithopoda: Iguanodontoidea) from Spain". Francisco Javier Verdú, Rafael Royo-Torres, Alberto Cobos, Luis Alcalá. Historical Biology 4, vol. 30. Pach. 437–474. DOI 10.1080/08912963.2017.1287179. ISSN 0891-2963.
Referencias
Categoría:Dinosauros d'Aragón Categoría:Dinosauros d'o Cretacico Categoría:Valcaria Categoría:Iguanodontia