Chadwick Steven McQueen, naixiu de Los Angeles (California, Estaus Unius) o 28 d'aviento de 1960 y falleixiu en Palm Desert (California, Estaus Unius) l'11 de setiembre de 2024, estió un actor, productor cinematografico y piloto de cursas estausunidense, activo en o cine estausunidense dende finals d'os anyos 1970 dica primerías d'os anyos 2000, bien amán d'a suya muerte. Estió l'unico fillo de l'actor Steve McQueen y de l'actriz Neile Adams y, a la vegada, ye lo pai de l'actor Steven R. McQueen.

A suya filmografía ye escasa y mas que mas en cintas de baixo presupuesto y difusión, destacando nomás que The Karate Kid (1984, John G. Avildsen) y The Karate Kid Part II (1986, John G. Avildsen).

Primeros anyos de vida Chadwick Steven McQueen naixió lo 28 d'aviento de 1960 de Los Ángeles, fillo d'os actors Steve McQueen y Neile Adams. "Chad McQueen", en Turner Classic Movies Classic Film Festival. 2013. Marcelo Abeal: Steve McQueen: The Race of His Life, Editorial Dunken, 2015, p.41. .

Dende bien chicot, McQueen estió un gran aficionau a los autos, as motocicletas y as cursas, unas aficions que heredó de su pai. Prencipió a competir en motocross con 9 anyos y, en nomás que tres anyos, ganó la suya categoría en o World Mini Grand Prix. Posteriorment pasó enta l'automovilismo, ganando la suya primera cursa, l'evento Mini Le Mans, un circuito feito nomás que ta ninos creyau mientres o rodache d'a cinta Le Mans (1971), cuan McQueen teneba 10 anyos.

Antes de que rematase lo rodache d'ixa cinta, McQueen disfrutaba correndo a velocidaz de tres cifras en as rectas mientras que yera sentau sobre as garras de su pai, que conduciba un Porsche 917.<ref> Sheryl Garratt: In the driving seat with Steve McQueen, en The Telegraph, 7 de noviembre de 2015.</ref>

Con 12 anyos ganó la suya categoría en o World Mini Grand Prix. Chad McQueen and TLD Launch McQueen Racing.

Trachectoria artistica McQueen prencipió la suya carrera como actor de cine interpretando a "Dutch" en The Karate Kid y The Karate Kid Part II. A suya carrera posterior incluyó papels prencipals en cintas de cine d'acción publicadas dreitament en video, como Martial Law, Death Ring y Red Line.

Tamién treballó como productor cinematografico y ganó un premio Telly por o suyo documental Filming at Speed. Dimpués de retirar-se d'a interpretación, McQueen apareixió interpretando-se a él mesmo en cualques programas de televisión relacionaus con l'automobilismo, como Hot Rod TV y Celebrity Rides.

Se miró de que repetise o papel de "Dutch" en a serie Cobra Kai, pero los compromisos con a suya empresa, "McQueen Racing", y los problemas fisicos derivaus d'as suyas lesions en as cursas li impedioron de fer-lo. Estió amán d'apareixer en a seisena temporada, pero finalmente renunció por problemas d'achenda. Cobra Kai co-creator reveals why 'unique' Chad McQueen never appeared on the show, en The Independent, 13 de setiembre de 2024.https://x.com/jonhurwitz/status/1834432594710290766?mx=2

Trachectoria como piloto automobilistico A suya carrera profesional en as cursas d'autos prencipió en o Sports Car Club of America (SCCA).

McQueen competió en numerosas disciplinas, dende lo motocross dica la Baja 1000. Formó equipo con a lechenda belga de l'automobilismo Jacky Ickx y con a suya filla Vanina, pilotando tres Porsche 959 restauraus por Porsche Motorsports ta l'evento d'o Festival de velocidat de Goodwood de 2004.

Tamién en 2004 se clasificó ta las finals d'o SCCA, a on i ganó cuantas prebas. Competindo con Westernesse Racing, remató en a cuarta posición.

En chinero de 2006 sufrió grieus lesions (una fractura en a parte inferior d'a garra ezquierda, dos fracturas vertebrals y multiples fracturas costals) en un accident en o Daytona International Speedway mientras practicaba ta las 24 Horas de Daytona. Matt Stone: On the mend, Chad McQueen returns to Daytona, en MotorTrend Magazine, 26 de chinero de 2007.

Tornó a Daytona ta las 24 Horas Rolex de Daytona de 2007 ta agradeixer a los medicos y a o personal d'o circuito que, seguntes deciba, li heban salvau a vida.

Posteriorment declaró que los suyos días como piloto ya heban rematau y que deseyaba estar lo propietario d'un equipo de competición.

En noviembre de 2007 tornó enta lo Daytona International Speedway y i condució lo Brumos 1975 Ecurie Escargot RSR en as exhibicions d'o Porsche Rennsport Reunion III.

En chinero de 2010 fundó McQueen Racing, LLC, una empresa que colabora con empresas liders d'a industria d'as motocicletas y d'os automóbils personalizaus ta lo desenrrollo de vehíclos, motocicletas y accesorios personalizaus d'edición limitada y d'alto rendimiento. Hudson Green: About McQueen Racing, en a web "McQueen Racing".

Vida personal Chad McQueen tenió una relación con Jill Henderson White Pasceri mientres os anyos 1980, una chinete y entrenadora de caballos d'a USEF, amás de filla d'o trombonista Jimmy Henderson.

Casó con Stacia Toten (qui dimpués casó con o chugador hockey Luc Robitaille) dende 1987 dica 1990. A parella tenió un fillo, Steven R. McQueen (naixiu en 1988), un actor que partecipó a sobén en as series de televisión The Vampire Diaries y Chicago Fire.

McQueen casó dimpués con Jeanie Galbraith en 1993.

A chirmana suya, Terry, yera propietaria d'una productora cinematografica en Malibu. Morió en 1998 por complicacions respiratorias dimpués d'un trasplant de figado, con nomás que 38 anyos. Terry McQueen; Daughter of Actor Owned Production Company, en Los Angeles Times, 21 de marzo de 1998.

Yera primo d'a socialité hispano-filipina Isabel Preysler y tío segundo d'os cantaires Julio Iglesias Jr. y Enrique Iglesias, d'a presentadora Chábeli Iglesias y d'a socialite Tamara Falcó.

Muerte McQueen morió por insuficiencia organica en o suyo rancho en Palm Desert (California), l'11 de setiembre de 2024, con 63 anyos d'edat. Mike Barnes: Chad McQueen, 'Karate Kid' Actor and Son of Film Star Steve McQueen, Dies at 63, en The Hollywood Reporter, 12 de setiembre de 2024. Diego Ramos: Chad McQueen, 'The Karate Kid' Star and Steve McQueen's Son, Dies at 63, en Variety, 12 de setiembre de 2024.

Seguntes un amigo suyo, Arthur Barens, McQueen mai no se recuperó completament d'una lesión que padeixió por una cayida en 2020. Chad McQueen Dies: 'Karate Kid' Bad Guy & Son Of Screen Legend Was 63, en Deadline Hollywood, 12 de setiembre de 2024.

L'episodio d'a seisena temporada de Cobra Kai "Benvinguts a Barcelona" estió adedicau a la suya memoria. Angel Shaw: Cobra Kai's Chad McQueen Tribute Explained, en Screen Rant, 15 de noviembre de 2024.

Filmografía Chad McQueen en Internet Movie Database. Cintas {|class="wikitable" style="font-size: 90%;"

! style="background:#B0C4DE;" | Anyo ! style="background:#B0C4DE;" | Títol d'a cinta ! style="background:#B0C4DE;" | Director ! style="background:#B0C4DE;" | Banda sonora ! style="background:#B0C4DE;" | Elenco ! style="background:#B0C4DE;" | Atros |- |rowspan=1| | <ref> [ ''''] en Internet Movie Database.</ref>

Series de televisión Serie Anyo Episodio Director Elenco Atros [ '] en Internet Movie Database.</ref> | | <ref> [ '] en Internet Movie Database.

1978: Skateboard. 1983: Hadley's Rebellion. 1984: The Karate Kid. 1984: V. 1985: Fever Pitch. 1985: The Fascination. 1986: The Karate Kid Part II. 1987: Nightforce. 1989: Jesse Hawkes. 1991: Martial Law. 1992: Death Ring. 1992: Where the Red Fern Grows: Part Two. 1993: New York Cop. 1993: Firepower. 1994: Sexual Malice 1994: Jimmy Hollywood 1994: Indecent Behavior II. 1994: Bullet II. 1994: Search and Rescue. 1994: Possessed by the Night. 1995: Number One Fan. 1996: Red Line. 1996: Squanderers. 1998: Papertrail. 1998: Surface to Air. 2001: The Fall''.

Referencias

Se veiga tamién Cintas interpretadas por Chad McQueen.

Vinclos externos

Chad McQueen en Internet Movie Database.

Categoría:Actors d'Estaus Unius Categoría:Muertos en Palm Desert Categoría:Naixius de Los Angeles Categoría:Productors cinematograficos d'Estaus Unius Categoría:1960 (naixencias) Categoría:2024 (muertes)