Exulve (Ejulve en castellano, Julve en castellano popular local) ye una villa y municipio aragonés, situau en la comarca Andorra-Sierra d'Arcos. La suya población ye de 180 habitants (2018) en una superficie de 109,5 km².
Cheografía 250px|thumb|dreita|Envista de lo cabezo de Santa Ana dende Exulve. Esta localidat ye situada entre dos cerros (Sant Pedro y Santa Catalina) situaus a lo norte de la sierra d'Exulve. La sierra d'Exulve ye una prolongación de la sierra de Sant Chust a l'ueste de lo puerto de Majalinos, y a la que perteneixen los cabezos de Budo y de Santa Ana, que son muelas. Dende la sierra d'Exulve baixan uns cuantos barrancos que cerca de lo nuclio habitau complegan y forman lo río de Calanda. En lo sud de lo termin municipal se troban los Organos de Montoro.
En lo termin municipal d'Exulve bi heba atros nuclios de población: lo coto redondo de Mezquitiella, los casals Masada de la Solana y Masada de Valredonda, y muitas masadas, bellas 27, Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp. 473-474. que amuestran un habitat ixemenau d'habitants dedicaus a l'agricultura cerealistica y a la ganadería. En l'actualidat bi ha industrias alimentarias. L'acceso a Exulve dende la N-420 se troba en lo km 60, a on que ye la venta de la Pintada.
Mugas 250px|thumb|dreita Lo termin municipal d'Exulve muga con los termins municipals de Molinos, Castellot, Villar Luengo, La Zoma, Aliaga y Gargallo. Gargallo Molinos Aliaga, La Zoma 50px Castellot Villar Luengo
Toponimia L'oronimo Exulve s'ha quiesto interpretar de diferents trazas. Se puede fer comparanzas con atros toponimos pareixius d'atras parz de la Peninsula Iberica.
En Galicia bi ha un Xulfe que s'ha quiesto interpretar a partir de VILLA AGIULFI u VILLA GENULFI, villas de propietarios visigodos que tenen la radiz chermanica wulf ("lobo") en l'antroponimo. Un antroponimo visigodo latinizau como AGIULFUS u GENULFUS no habría evolucionau ta un toponimo con una silaba xul ni en aragonés ni en mozarabe local.
Unatra intepretación lo fa derivar de l'antroponimo latino SULVIUS igual como Julbina en Almería. Pascual Miguel Ballestín: Toponimia mayor de Aragón. Ciudades, villas, lugares, aldeas, ríos, montañas y territorios. Gara d'Edizions, 2015, ISBN 9788480940702. Tamién se puede fer una comparanza con lo lugar sobrarbés de Suelves, que vendría de lo latín SOLUM y se referiría a lo cabaixo d'un mont. Manuel Benito Moliner: Pueblos del Alto Aragón: el origen de sus nombres.
Las interpretacions a partir de SULVIUS y de SOLUM implican un cambio dende S- inicial ta X- inicial que s'ha dau en toponimos aragoneses latinos u prerromanos que han estau transmesos a traviés de l'arabe: Exatiel, Exeya. En aragonés la x- inicial puede ir refirmada d'una i en aragonés oriental y centro-oriental (ixaringa, ixingardana, ixordiga, etcetera), y se documenta en aragonés medieval como e- en toponimos d'orichen arabe (Exarc, que persiste en l'apelliu Ejarque). L'alternancia entre tener una vocal inicial de refirme u no se manifiesta tanto en aragonés medieval (Xulve/Xulbe alternando con Exulve/Exulbe) como en castellano popular actual (Julve alternando con Ejulve). Se considera mes popular Julve que Ejulve pero la primera yera la que s'escribiba oficialment dende 1713 dica 1797.
Bi ha bella masada con nombre aragonés: Azcón, (d'un apelliu relacionau con lo toponimo Azcón en la Ribera d'Ebro), Val de las sabinas, Los hordiales, (de puesto a on se cautiva l'hordio), La esponera, Los baciones, Masada Chulilla, (d'un apelliu que vien de lo toponimo Chuliella) y El Pairón.
Luengas y parlas Actualment en Exulve, igual como en toda la comarca d'Andorra-Sierra d'Arcos se charra lo castellano rechional d'Aragón, con substrato lingüistico provinient de l'aragonés que se charraba en la val michana d'Ebro y a piet de lo Sistema Iberico teruelano.
Aragonesismos curiosos que no se sienten en toz los lugars son: asinas, clau, desenreligar, facer (ye castellano pero conserva a f), fartar, perillán, retorcigar, ringlera, etc.
Historia En tiempos d'Alifonso II se fa mención d'Exulve como en uns cuantos documentos como muga de territorios cedius a órdens militars.
Cuan Alifonso II donó lo lugar de Villar Luengo a la Orden de lo Santo Redentor se menciona Axulp en un texto escrito en catalán:
Exulve se menciona como muga de lo termin d'Alcanyiz cuan Alifonso II d'Aragón lis ne cede a los flaires de l'Orden de Calatrava en un texto escrito en latín medieval:
Apareixe en aragonés en as actas d'as Corz d'Alcanyiz de 1436: Actas d'as Corz d'Alcanyiz de 1436
Exulve estió una aldeya de la comanda d'Alcanyiz de la Orden de Calatrava. Entre 1488 y 1495 feguraba en la sobrecullida d'Alcanyiz y en 1646 en la vereda d'Alcanyiz. En 1384 teneba concello chunto con lo coto redondo de Mezquitiella. Entre 1834 y 1887, 1910 y 1920 y 1940 y 1945 perteneixió a lo partiu chudicial d'Aliaga, alternando con una pertenencia a lo partiu chudicial de Mont Albán en 1897-1900 y en 1930. En 1965 quedó en lo partiu chudicial de Teruel.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido de los Socialistas de Aragón 2 Partido Popular 1 Unión Aragonesista 1 Partido Aragonés 1 Total 5
Alcaldes Lista d'alcaldes Lechislatura Nombre Partiu politico1979–1983 Lorenzo Puerto Temprano PSOE 1983–1987 1987–1991 Lorenzo Puerto Temprano Treinta aniversario de las primeras elecciones municipales de la democracia. PSOE 1991–1995Arturo Fantova Partido Aragonés 1995–1999 Artemio Estopañán Freixas Partido Aragonés1999–2003 Artemio Estopañán Freixas Partido Aragonés2003–2007 Artemio Estopañán Freixas Partido Aragonés2007–2011 José Manuel Salvador CHA2011–2015 Ovidio Ortín Albalate Partido Popular2015–2019Ovidio Ortín AlbalatePartido Popular2019–20232023–2027 Ovidio Ortin Albalate Consulta el listado de alcaldes que han sido proclamados en Aragón en Heraldo de Aragón. PP
Molimentos Molimentos relichiosos Ilesia de Santa María, gotico-plateresca de lo sieglo XVI. Ilesia de Sant Pascual, 1688. Ermita de Sant Per. Ermita de Santa Ana.
Molimentos civils Casa d'a Villa, 1563.
Fiestas 17 de mayo, Sant Pascual. 9 de setiembre, Natividat de la Virchen.
Referencias
Vinclos externos Pachina web Municipal. Pachina web adedicada ta Exulve.
*