O santuario d'a Virchen d'Arcos ye un complexo d'edificios aragonés de culto catolico situau en o cobalto d'un tozal d'a sierra d'Arcos, en o termin municipal d'Albalat de l'Arcebispe, en a comarca d'o Baixo Martín, en a provincia de Teruel. Ye o zaguer resto d'o despoblau medieval d'Arcos.
O complexo d'edificios que componen o santuario ye declarau Bien d'Intrés Cultural dende o 12 de chulio de 1983, cuan o Boletín Oficial del Estado publica a suya declaración como tal, con o codigo d'idendificación: RI-51-0004888. Dimpués, en 1997 o Gubierno d'Aragón fació una intervención pa a suya restauración. Santuario de la Virgen de Arcos
Descripción O santuario ye un complexo d'edificacions entre as que destacan: Ficha en a web d'o SIPCA
a ilesia, a hospedería, situada en a parti sud, de planta alargada y unas dimensions entre as que destaca a suya poca amplaria atamas de contar con tres altarias, y os edificios annexos, como as salas de reunions, as cocinas etc., que comparten caracteristicas con a hospedería, destacando-ne a fabrica de tapiau.
Una d'as caracteristicas mas importants d'ista construcción ye a suya forma de combinar-se con o paisache en que se troba situau. Albalate BIC Toz os edificios mantienen a uniformidat en estilo y materials, emplegando-se mampostería de piedra local, ladriello y tapiau.
Pa acceder a o complexo cal dentrar por a parti norte d'o mismo puyando unas amplas escaleretas que rematan en un portegau ubierto formando un terrau, a o que se i plega trasnavesando un arco.
A ilesia A ilesia, que s'ubica en a zona oriental d'a plataforma rocosa sobre a que se construyió o complexo, data d'o sieglo XVII y presenta una planta en a que se pueden distinguir dos partis clarament diferenciadas y deseparadas por un canciello. En a primera parti d'a planta ista presenta tres naus con cuatre navadas cadaguna d'as naus. A cubierta d'a nau central ye una vuelta d'ariesta, mientres que la d'as naus laterals, en as que s'ubren as capiellas laterals en os contrafuertes, ye una vuelta de canyón en a que s'ubren lunetas pa a iluminación interior.
Por a suya parti dezaga d'o canciello se troba a capiella mayor, ubicada a livel mas puyau y presentando una planta cuadrada cubierta con una cupula semisferica de considerables dimensions. Dezaga de l'altar se troba o camaril d'a Virchen d'Arcos, cuala imachen orichinal desapareixió mientres o conflicto civil de 1936.
A decoración interior d'a ilesia ye tipicament barroca, pintada en tons vivos en as vueltas y pilars, emplegando-se cheserías con motivos cheometricos y vechetals que nuevament se pintan con colors vivas.
Referencias
Vinclos externos
Categoría:Biens d'Intrés Cultural d'o Baixo Martín Virchen d'Arcos Virchen d'Arcos Virchen d'Arcos Categoría:Ermitas d'Aragón adedicadas a santa María Virchen d'Arcos Categoría:Molimentos d'Albalat de l'Arcebispe