Borobia ye un municipio de la provincia de Soria (Castiella y Leyón). La población ye de 270 habitants (2014) en una superficie de 62,57 km² y una densidat de 4,32 hab/km².
Toponimia Lo toponimo Borobia s'ha quiesto explicar a partir de lo celtiberico Virovia (se conoixe una ceca Uirouias), adaptau en latín como Berobia, que dimpués prenió una pronunciación en latín vulgar como Borobia Eleuterio Carracedo Arroyo: Toponimia de la Tierra de Soria. Ediciones de la Diputación de Soria. Colección Temas Sorianos nº 32, 1996. p 192..
Cheografía Borobia ye situada a lo sud de la Sierra de Toranzo y en la marguin ezquierda de lo río Manubles, que baixa de la versant occidental de la Sierra de Tablado y desaugua lo suyo termin. En la zona entre Borobia y Ciria cambia la suya dirección E-W por una dirección N-S, como atros ríos de la comarca, que presentan "codos de captura" (indicadors de captura fluvial), a causa d'una erosión remontant mes gran en los tributarios de lo río Xalón que en los triburarios de lo río Duero. Entre lo río Manubles y lo barranco d'el Celorio se troba la Laguna de Borobia.
Mugas 200px|thumb|left Lo suyo termin municipal muga con Ciria, Noviercas, Ólvega, con un enclau de lo termin municipal de Soria capital y con Beratón en la provincia de Soria y con Pomer, Calcena y Purillosa en la provincia de Zaragoza.
Historia La villa estió propiedat de la branca castellana de la familia Luna, mariscals de Castiella.
Puestos d'intrés Ilesia de Nuestra Sinyora de l'Asumpción, con los sepulcros d'a familia Luna. Observatorio astronomico.
Referencias
Categoría:Municipios de Soria que mugan con Aragón