'Iste articlo ye sobre un lugar aragonés en o municipio de Castellot; ta atros usos, se veiga Alchecira.
L'Alchecira (La Algecira en castellano) ye un lugar de la provincia de Teruel, situato en lo municipio de Castellot. Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, , p.20 La suya población ye de 2 habitants (2006).
Cheografía Ye en lo sud-ueste de lo termin municipal de Castellot. En un parache de muita belleza amán de lo puent natural de la Fontseca, un puent natural dencima lo río Guadalop y amán de las pinturas rupestres de Ladrunyán. De dificil acceso, mesmo en los primeros anyos de lo sieglo XXI la sola forma de plegar-ie ye por una pista de tierra.
Toponimia Alchazira, Alchezira, Alchizira significa en aragonés medieval puesto con augua abundant, significato diferent de la forma orichinal en arabe Al-Chazira, "la isla" (trasliterando la letra arabe chim como una ch). Como toponimo se trobaba en Alpenyés, y en la Huecha, y se troba encara en Berche y entre Xatiel y Casterló.
Ye posible que corresponda chunto con Ladrunyán a Las Masadas de las Cuevas'' de lo fogache de 1495.
Historia Seguntes historiadors de la Universidat d'Alicant, s'amagaba en lo lugar Ali-Sarmiento, un musulmán que protecheban los reis catolicos. Se basan en textos que lo dicen, en la calendata de construcción de lo lugar, en lo nombre d'orichen arabe, y por l'urbanismo diferent: carreras estreitas fendo tornallos, una plaza cerrata, muitas zaicas y azutes, etcetera...
Referencias
Categoría:Lugars de Castellot Categoría:Lugars d'a provincia de Teruel Categoría:Localidaz d'a diocesi de Teruel y Albarracín en o Mayestrato