Os abellerolsCon as variants abillarol, billarol, billaruelo, abellarol u abellaruelo. ( (L., 1758) son un chenero d'aus coraciformes adintro d'a familia Meropidae, d'a cual en ye o chenero tipo.
O chenero contiene 28 especies que se troba en o sud d'Europa y Magreb, Africa ecuatorial y meridional, Asia en sud de l'Himalaya y Oceanía. D'entre ellas, Merops apiaster ye común en Aragón y a resta d'a Peninsula Iberica.
Descripción
Son aus de mida mediana, de 27-28 cm de largaria, de volido rapedo y maniobrable. Tienen as alas largas, rematadas en punta, que cuan se plegan arriban dica la fin de la coda. A coda ye cuadrada, y en os eixemplars adultos tiene dos plumas centrals mas largas.
Son insectivoros que pillan as suyas presas cuan volan. Socavan niedos en forma de cado en as ripas y ripazos de tierra u arena compacta en a marguin de ríos, barrancos y ramblas a prou altura pa que a mayoría de depredadors no i gosen dentrar.
As especies que viven en latituz subtropicals y temperadas son migraderas, y no i son si que en os meses estivals. En hibierno, marchan en migración dica latituz calidas a sobén a bels millars de kilometros d'os puestos a on que crían.
Notas
Referencias
Vinclos externos
*