Este articlo tracta sobre Cella que ye un municipio teruelano en la comarca de la Comunidat de Teruel. Pa la cella de lo uello se veiga cella (anatomía).
Cella ye un municipio de la provincia de Teruel, situau en la comarca de la Comunidat de Teruel. La suya población ye de 2818 habitants (2014), en una superficie de 124,7 km² y una densidat de población de 22,6 hab/km².
Cheografía Ye situau en la fuesa de Xiloca, que fa part de la depresión de Calatayú-Teruel. Ye en lo cabalto de la val de Xiloca. Este río prene augua contina en un naixedero situau en lo mesmo Cella; este naixedero ye lo pozo artesiano mas gran d'Europa.
Actualment ye en l'aria d'influencia de Teruel, pero entre los sieglos XIV y XVI yera muito mas important y la capital d'una comarca dita Río de Cella.
Mugas Lo suyo termin municipal muga con Albarracín, con Santa Olalia, con Villar Cremato, con Celadas, con Teruel y con un apéndiz u de lo termin d'Albarracín u manga correspondient a Las Casiellas de Bezas.
Toponimia Lo toponimo Cella se relaciona con l'arabe Sahla u "plana" Alberto Cañada Juste: El nombre de Cella. Su posible origen y el reino de As-Sahla. Xiloca, nº 23, 1999, pp 61-74, ISSN: 0214-1175..
En cualques textos de los primers tiempos de la conquiesta cristiana escritos en latín medieval se leye como Celfa, como tamién se puet leyer en lo "Poema de Mio Cid" y que puet considerar-se una metatesi (l'adaptación lochica de l'arabe -hl- ye -fl-). Manimenos esta variant Celfa coexiste con atras variants graficas u foneticas como Çehla, Zehla, Cega, Cegla, Çecla, Celha, Celle en los textos latinos.
Cella no ha teniu denominación estable en aragonés medieval. En lo sieglo XV un escriba teruelano encara escribiba Zelha Javier Terrado Pablo: La lengua de Teruel a fines de la Edad Media. Instituto de Estudios Turolenses, lo cual encara que pareixca un occitanismo grafico, ye mas probable que siga una traza de remerar la -f- de Zelfa/Zefla. La forma Cella s'explica igual que lo lugar teruelano Sollavientos < Soplavientos y lo castellano Chillar < Sif(i)lare. Los grupos -pl- y -fl- pueden evolucionar ta -ll- en luengas como castellano. En lo termin municipal de Pamplona bi ha un microtoponimo equivalent en orichen y evolución Acella, a on que bi ha un despoblau.
Historia Estió reconquerida a los musulmans per as tropas d'o reino d'Aragón comandadas per Alifonso I d'Aragón en 1128. Agustín Ubieto Arteta La Reconquista aragonesa en Historia de Aragón, Vol. 1, 1989 (Generalidades), , pp. 159-170 En la baixa Edat Meya Cella yera una aldeya de la seixma d'el Campo de Cella adintro de la Comunidat d'aldeyas de Teruel Antonio Gargallo Moya. Los orígenes de la Comunidad de Teruel. Instituto de Estudios Turolenses, 1984.. Fació part tamién de la sobrecullida de Teruel en 1446 y de la de Mont Albán en 1488-1495 Antonio Ubieto Arteta: Historia de Aragón. Los Pueblos y los despoblados, I. Anubar ediciones, 1986. pp 400-401..
Apellius Un de los apellius mas comuns en Cella ye Bujeda, que en la Edat Meya yera Buxeda y fa referencia a lo buixo.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido Popular 6 Partido de los Socialistas de Aragón 5 Total 11
Alcaldes Lista d'alcaldes Lechislatura Nombre Partiu politico1979–1983 1983–1987 1987–1991 1991–1995 1995–1999 María del Carmen Pobo Sánchez María del Carmen Pobo Sánchez en a pachina web d'as Corz d'Aragón. Partido Popular1999–2003 María del Carmen Pobo Sánchez Partido Popular2003–2007 María del Carmen Pobo Sánchez Partido Popular2007–2011 María del Carmen Pobo Sánchez Partido Popular2015–2019 2019–2023 2023–2027 Santiago Gómez Lanzuela (dica 2023) Cruz Aguilar: Muere Santiago Gómez, alcalde de Cella, a los 62 años de edad, en Diario de Teruel, 8 de setiembre de 2023. Partido Popular
Molimentos La edificación arredol de lo pozo artesiano, dita Fuente de Cella.
Esporte Lo fútbol ye representau por lo Club Deportivo Cella que participa en divisions rechionals aragonesas.
Fiestas Sant Sabastián, 21 de chinero. Santa Rosina, 15 de mayo. 15 d'agosto.
Curiosidaz En l'aria d'influencia de Teruel los cellanos tienen fama de brutos, y, como con los d'Almudévar u Lepe, se fan chistes con cellanos.
Vinclos externos www.cella.es, pachina web oficial. Vocabulario cellano. Etimolochía de Cella.
Referencias
*