Exea d'Albarracín (Gea de Albarracín en castellano) ye una villa y municipio de la provincia de Teruel, situau en la comarca de la Sierra d'Albarracín. La suya población ye de 410 habitants (2013), en una superficie de 57,45 km² con una densidat de 6,91 hab/km²
Toponimia D'acuerdo con Antonio Ubieto Arteta s'escribió Exea entre 1609 y 1646 y Gea dende 1713 dica 1860, prenendo l'apelativo de Albarracín dende 1873 Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. p 593.. L'analís de la documentación amuestra que l'uso ye muito mes antigo de l'apelativo, y que antes de 1609 ya se trobaba formas como Exea coexistindo con Xea y Ixea.
En lo Fogache de 1495 s'escribe un epigrafe Exea seguiu d'atro epigrafe moros de Xea.
En la versión de lo fuero de Teruel de lo sieglo XVI se replega un texto de 1461 de las Corz de Calatayú y s'escribe Exea de Albarracín.
En las Cronicas de los Chueces de Teruel s'escribe Xea y Xea d'Albarracín:
Encara en 1761 s'escribió un texto con lo títol Madres Capuchinas del Convento de Exea de Albarracin.
Tomás Lafuente Pérez interpreta este toponimo a partir de lo latín EXIRE y significaría "salida" referindo-se a una salida natural de la Sierra d'Albarracín Tomás Lafuente Pérez: Toponimia en la comunidad de Albarracín. Revista Teruel, 49-50, 1973. p 210.
L'uso de l'apelativo d'Albarracín encara que esporadico puet remontar-se a la baixa Edat Meya, en lo Fogache de 1405 ordenau en las Corz de Maella s'escribe Exea de Albaraci:
Cheografía La localidat de Exea d'Albarracín ye situada chunto a lo cauz de lo río Guadalaviar auguas enta baixo de la zona de foces que ha escarbau salindo de la Sierra d'Albarracín. Lo glacis d'Exea d'Albarracín ye a piet d'esta sierra y baixa enta la depresión de Calatayú-Teruel, constituindo part d'un semontano.
Un sector que bi ha a lo sud de lo termin municipal d'Exea d'Albarracín ye Sierra Carbonera, segmento de la Sierra d'Albarracín con materials paleozoicos y que contina en lo termin municipal de Bezas.
Lo sinclinorio churasico d'Exea d'Albarracín-Alustante desparte los anticlinals d'Aragoncillo-Sierra Menera a lo nord-este y Santa María del Espino-Sierra Carbonera a lo sud-ueste Instituto Geológico y Minero de España: Libro Jubilar J.M.Rios. Geología de España Tomo I. Instituto Geológico y Minero de España, 1983. pp 516-520.
Mugas Lo suyo termin municipal muga con Bezas, Albarracín, Cella, y con una manga de lo termin d'Albarracín correspondient a Las Casiellas de Bezas.
Historia En 1166, Alifonso II lo Casto cedió a Calvet de Biel tierras y dreitos en la comarca d'Albarracín pa pagar-li l'aduya en una futura conquiesta d'Albarracín que no se produció. Exea ye entre las tierras que li da.
En 1284 lo rei Pero III d'Aragón conquirió la sinyoría d'Albarracín y cedió lo lugar d'Exea a lo noble castellano Diego López de Haro, enemigo cerrino de lo sinyor d'Albarracín Juan Núñez de Lara. La localidat mantenió la categoría de "lugar" por lo menos dica 1306, y cambió de mans unas cuantas vegadas.
Lo 24 de mayo de 1428 lo rei Alifonso V d'Aragón dió la villa d'Exea a Chuan Ferrández d'Heredia.
Entre 1446 y 1495 perteneixeba a la sobrecullida de Teruel. Lo fogache de 1495 indica que bi heba 7 fuegos de cristianos y 94 fuegos de moros de Xea Antonio Serrano Montalvo: La población de Aragón según el fogaje de 1495 Volumen 1. Institución Fernando el Católico, 1995.
Lo 20 d'agosto de 1610 fuoron forachitaus d'Exea d'Albarracín 2260 moriscos. Lo vuido poblacional lo plenoron nuevos pobladors cristianos navarros, castellanos, valencianos, catalans y andaluces.
En 1646 perteneixeba a la vereda de Mont Albán. Entre 1711 y 1833 perteneixió a lo correchimiento d'Albarracín.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido de los Socialistas de Aragón 3 Partido Aragonés 3 Partido Popular 1 Total 7
Alcaldes Lista d'alcaldes Lechislatura Nombre Partiu politico1979–1983León Sáez Pascual Unión de Centro Democrático1983–1987Leoncio Pérez RamosAP1987–1991Leoncio Pérez RamosAP1991–1995Francisco Meléndez MaloPartido Aragonés1995–1999Francisco Meléndez MaloPartido Aragonés1999–2003Francisco Meléndez MaloPartido Aragonés2003–2007Francisco Meléndez MaloPartido Aragonés2007–2011Antonio Navarro MarimónPSOE2011–2015Manuel Alamán OrtizPartido Aragonés2015–2019Manuel Alamán OrtizPartido Aragonés2019–2023Santiago Rodríguez GraciaPSOE2023–2027 Santiago Rodriguez Gracia Consulta el listado de alcaldes que han sido proclamados en Aragón en Heraldo de Aragón. PSOE
Puestos d'intrés Ilesia de lo Carmen (sieglo XVIII). Acueducto romano. Convento d'os Carmelitas (sieglo XVII). Convento d'as Capuchinas (sieglo XVII). Casa Gran (u casa d'os Reis d'Aragón). Ermita de Sant Roc (sieglo XVIII). Ermita de Sant Antón (sieglo XVII).
Fiestas Sant Isidro Labrador, 15 de mayo. San Bernal (patronals), 20-24 d'agosto.
Lechendas Lechenda d'o palacio subterranio.
Referencias
*