Puertomingalbo (Puertomingalvo en castellano), abreviau El Puerto, ye una villa y municipio de la provincia de Teruel, situau en la comarca de Gúdar-Chabalambre. La suya población ye de 112 habitants (2018), en una superficie de 102,67 km² y una densidat de 1,13 hab/km²
Toponimia O toponimo Puertomingalbo tien un zaguer formant d'orichen arabe y correspon a -galbun, l'hipocoristico de l'antroponimo Galib. En o municipio de la Fatarella (provincia de Tarragona) se i troba una partida clamada "Vingalbó",José Castillo Gil: "Topónimia árabe en la Peñagolosa de habla churra", en Pautas para el estudio de la toponimia áraba hispánica, Robert Pocklington (ed.). Zaragoza: Tirant Humanidades, 2025. en a provincia de Guadalachara bi ha una serie de toponimos con un orichen pareixiu: Torre de Miguel Bon y Mingalvo, que continan en atras zonas con Huerta de Mingalvo y Majada de Mingalbo, Juan Antonio Chavarría Vargas: "Onomástica árabo-beréber en la toponimia de Castilla-La Mancha: Guadalajara", en Anaquel de estudios árabes, num. 18, 2007, pp. 107-116. y plegan enta la provincia de Malaga con Benagalbón.
En 1202 apareixe documentau como Ibn Galbón. En 1208 lo rei Pero II d'Aragón donó a la Orden de Selva Mayor d'Alcalá lo lugar de Cuevas de Domingo Arquero indicando-ne las mugas y nombrando un portum de Abingalbón:
En 1328, en un Reyal privilechio d'Alifonso IV d'Aragón, que confirma la delimitación d'as pasturas d'o termin de Mosqueruela ta que los de Castellón y de Villa-reyal puedan levar-ie os suyos ganaus ta estremar, se i leye:https://latoponimiachurra.blogspot.com/2026/05/1328-castellon-villa-real-el-puerto.html.
En 1329, se sinya en "El Puerto" lo primer contracto conoixiu en Aragón a un chuglar:https://latoponimiachurra.blogspot.com/2025/06/1329-los-mozos-del-puerto-contratan-un.html.
En 1446 s'escribe Puerto, entre 1495 y 1609 s'escribiba El Puerto, pasando a estar Puerto de Aben Galbó en 1646 y Puertomingalvo dende 1713. Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1.041-1.042.
En 1602, en l'apoca de Joan Allepuz en favor d'o suyo fillo, s'emplega cuatro vegadas la forma "El Puerto", dos vegadas "El Puerto Vingalbo" y una "El Puerto de Vingalbo":https://latoponimiachurra.blogspot.com/2026/09/1602-la-loma-vidal-el-puerto-vingalbo.html.
En 1611, Lavanya escribe «El Puerto» en l'Itinerario d'o Reino d'Aragón y asinas lo rotula en o suyo mapa.https://latoponimiachurra.blogspot.com/search/label/Laba%C3%B1a
En una escritura de 1777, l'escribano Pedro Garcés emplega tres vegadas «El Puerto Mingalbo» y una vegada la forma abreviada «El Puerto». La escritura se rechistra en l'Oficio d'Hipotecas de Cantaviella y lo rechistrador la anota en o «Libro del Puerto».https://latoponimiachurra.blogspot.com/2026/09/1777-amprar-dinero-un-censal-en-el.html
En 1820, en "El Puerto Mingalbo", l'alcalde Joaquín Granel sinyó un auto que l'escribano Miguel Royo notificaba:https://latoponimiachurra.blogspot.com/2026/08/1820-abril-27-el-puerto-mingalbo.html
José Castillo Gil, en l'apartau «El Puerto Mingalbo» d'o suyo treballo, analiza la etimolochía d'este toponimo a traviés de bellas formas escritas. En textos escritos en latín: castrum de Avingalbon, portum de Avingalbon (1202), Abingalvvon, Portum de Abingalbon (1208), loco del Puerto (1323) y villa del Puerto de Vingalbon (1619). En textos en aragonés y en textos en castellano: El Puerto (1262), El Puerto de Vengalmón (1319), villa del Puerto (1355, 1587, 1603), villa del Puerto Vingalbo (1602-1605) y villa del Puerto Mingalbo (1639, 1813). L'articlo "El" fa parte d'este toponimo, tanto en a forma abreviada como en a completa, en os textos en aragonés y dica meyaus d'o sieglo XIX.José Castillo Gil: "Topónimia árabe en la Peñagolosa de habla churra", en Pautas para el estudio de la toponimia áraba hispánica, Robert Pocklington (ed.). Zaragoza, Tirant Humanidades, 2025.
A microtoponimia de Puertomingalbo ye bien estudiada por autors como José Castillo Gil y Javier Solsona Benages, que documentan bel microtoponimo con components en aragonés u en catalán anteriors a la castellanización (barranco de la falaguera, barranco de las grivas, Las Sampolas, El Grao, Masico Mollón, Las Nogueras, Mas d'Olaria, Mas d'Onceno, Pairón, Masico de Piuques, La Sunsida, etcetera). Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001. José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX, en Onomàstica. Anuari de la Societat d Onomàstica, num. 2, 2016.
Cheografía Puertomingalbo ye situau a lo sud de la sierra de Mayabona, que presenta en lo suyo termin Las Sampolas. La sierra de la Batalla tiene una part en l'ueste de lo termin municipal chunto a lo termin de Vistabella. Lo río de Linars fa de muga entre Linars de Mora y Puertomingalbo cerca de Castelbispal y dimpués traviesa lo cabo sud de lo termin.
Mugas Lo suyo termin municipal muga seguindo lo sentiu horario con Linars de Mora y Mosqueruela en la mesma comarca y provincia y con Vistabella y Villafermosa en la provincia de Castellón.
Mosqueruela Linars de Mora 50px Vistabella Villafermosa
Historia En l'anyo 1202 lo rei Pero II donó Puertomingalbo a lo bispe de Zaragoza. Entre los anyos 1446 y 1495 feguraba en la sobrecullida de Mont Albán. En 1646 feba part de la vereda de Mont Albán. Entre 1711 y 1833 yera en lo correchimiento d'Alcanyiz y ya teneba lo titol de villa en 1785, tenendo concello municipal dende 1834. Dende 1965 perteneixe a lo partiu chudicial d'Alcanyiz.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 2011 Partido de los Socialistas de Aragón 4 Partido Popular 1 Total 5 Alcaldes Lista d'alcaldes Lechislatura Nombre Partiu politico1979–1983Domingo García GarcíaUCD1983–1987Domingo García García PAR1987–1991Jesus Javier Solsona García PSOE1991–1995Domingo García GarcíaPSOE1995–1999Tomás Manuel Zafón JuliánPSOE1999–2003Tomás Manuel Zafón Julián PSOE2003–2007Tomás Manuel Zafón Julián PSOE2007–2011Tomás Manuel Zafón Julián PSOE2011–2015Tomás Manuel Zafón Julián PSOE2015–20192019–20232023–2027 Tomás Manuel Zafón Julián Consulta el listado de alcaldes que han sido proclamados en Aragón en Heraldo de Aragón. PSOE
Puestos d'intrés Casa d'a Villa. Castiello. Muralla. Ilesia d'a Purificación y Sant Blas, sieglo XVIII. Casal Llorens u Lloveras. Portal Alto (u de Sant Antón). Ermira de Sant Bernabeu. Ermita de Santa Barbara. Hespital de Santa María de Gracia, sieglo XV Poblau iberico d'o Mas Royo u "Los Castillejos".
Fiestas Virchen de las Dolors, 29 de marzo. Sant Antón de Padua, 10 de chunio.
Referencias
Bibliografía José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016. Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001.
Vinclos externos www.puertomingalvo.com.
*