Iste articlo ye sobre El pastor d'Andorra. Se veiga José Iranzo ta o medico zaragozano.
José Iranzo Bielsa u mas conoixito como O pastor d'Andorra (El pastor de Andorra en castellano) estió un d'os mas famosos cantaires d'ixota. Naixito d'Andorra (Teruel) o 20 d'octubre de 1915 y muerto en a mesma localidat o 22 de noviembre de 2016, ya yera pastor cuan no teneba que ueito anyadas.
Atamas d'estar un d'os millors cantaires d'a historia d'a ixota, O pastor d'Andorra estió autodidacta, anque recibió tamién bellas clases d'a conoixita Pascuala Perié.
Mientres os suyos anyos de cantaire recorrió muitos pueblos d'Aragón y d'atros países d'Europa y America, actuando mesmo ta o rei Hassan II de Marruecos entre atras personalidaz.
Recibió tamién a-saber-los premios y homenaches como lo primer premio d'o Certamen Oficial de Jota de 1943 y o premio extraordinario de 1974, a Medalla a lo Merito Cultural d'o Gubierno d'Aragón en 1992, Medalla d'as Corz d'Aragón en 1997, a Cruz de Sant Chorche en 1999 y a distinción de Millor aragonés d'ixa mesma anyada, y tamién a medalla d'oro d'a villa d'Andorra.
Tamién fació cine, apareixendo en 1984 en a cinta Requiem por un campesino espanyol y en 1989 chunto con o Baluarte aragonés en Aragón canta y baila al mundo.
Con mas de 90 anyatas encara feba de pastor mientres su nieto prencipiaba a chestionar a explotación ganadera. En l'anyo 2017 Igor El Ruso mató a su nieto mientres iba con su pai a cosirar as uelllas.
Bibliografía Carbonell, Joaquín. El Pastor de Andorra, 90 anyos de jota (biografía de José Iranzo, 2005).
Filmografía José Iranzo, el Pastor de Andorra, (documental de 2007) por Joaquín Carbonell. Requiem por un campesino espanyol. Aragón canta y baila al mundo.
Vinclos externos La Palomica, en youtube Entrevista con José Iranzo Biografía y premio Aragón 1999 https://web.archive.org/web/20080111035433/http://www.zaragoza-ciudad.com/jiranzo/index.htm Galería de fotos de José Iranzo
Categoría:Cantaires d'Aragón Categoría:Cantaires d'ixota aragonesa d'Aragón Categoría:Musicos d'Aragón Categoría:Naixius d'Andorra (Teruel) Categoría:Muertos en Andorra (Teruel) Categoría:1915 (naixencias) Categoría:2016 (muertes)