Adzaneta (Atzeneta del Maestrat en catalán y oficialment, Adzaneta en castellano) ye un municipio d'a provincia de Castellón, situato en a comarca de l'Alcalatén. Fa parte d'o partiu chuidicial de Castellón de la Plana.
A suya población ye de 1.367 habitants (2011), en una superficie de 71,16 km² con una densidat de población de 19,21 hab/km².
Cheografía Ye situato en una val amán de Penyagolosa, a 402 metros d'altaria sobre o ran d'a mar y a una distancia de 47 km d'a ciudat de Castellón de la Plana, a capital d'a suya provincia y d'o suyo partiu chudicial, y de 120 km d'a ciudat de Valencia, a capital d'o País Valenciano. No perteneix a l'Alcalatén historico u Tenencia de l'Alcalatén.
Toponimia Prene nombre d'a confederación berber zanata. En una d'as primeras referencias (1263) yera Ça Neta. En atros textos posterior ya fegura como Adzaneta u Atzaneta. O prencipio d'o nombre Adz, Atz ye una manera que tien o catalán d'adaptar palabras que en atros idiomas empecipian con Z: Atzavara, Atzarollera, Atzar, etcetera...
Se diz oficialment en catalán Atzeneta del Maestrat fendo referencia a que estió d'os templers y dimpués d'o Mayestrato de l'orden de Montesa.
O exotoponimo en aragonés se conoixe por o Libro de contos d'el concello de Mirambel (1472-1489):Germán Navarro Espinach: Cuentas del Concejo de Mirambel (1472-1489). Instituto de Estudios Turolenses, 2008.
Historia En 1235, Vistabella, Atzeneta y Benafigos pasoron con a concordia de Mont-Albán entre Chaime I y Blasco d'Alagón a estar propiedat de Blasco chunto con as tierras d'o castiello de Cuéllar (Cuéllar, Molinell, La Torre d'En Besora y Vilar de Canes). En 1303 o nieto d'él Guillén d'Anglesola venderá ista sinyoría a os templers. Con a disolución d'ista orden se convertirá en propiedat d'a orden de Santa María de Montesa, on será a bailía u setena de Cuéllar dica l'abolición d'o feudalismo.
Parla A diferencia d'atros lugars d'o Mayestrato Viello a parla d'Adzaneta no se clasifica en o tortosín.
Demografía
Administración Reparto de concellers Eleccions municipals Partiu 1979 1983 1987 1991 1995 1999 2003 2007 Partit Socialista del País Valencià-PSOE 5 Partido Popular 4 Total 9
Alcaldes Lista d'alcaldes Lechislatura Nombre Partiu politico1979–1983 Juan José Bertrán Agut Unión de Centro Democrático1983–1987 Juan José Bertrán Agut 1987–1991 Enrique Barberá Gil Partido Popular1991–1995 José Barberá Centelles Partido Popular1995–1999 José Barberá Centelles Partido Popular1999–2003 Miguel Ángel Carrillo Partido Popular2003–2007 Miguel A. Barreda Porcar Partido Popular2007–2011 Joaquim Escrig Escrig Partit Socialista del País Valencià-PSOE2011–2015 José Barberá Centelles Partido Popular
Molimentos Castiello d'Adzaneta, un castiello d'o sieglo XI d'o que nomás en queda a suya torre de l'homenache.
Vinclos externos
Pachina web oficial municipal d'Adzaneta. www.atzeneta.tk.
Referencias
Categoría:Localidaz d'a provincia de Castellón