Iste articlo ye sobre o conte de Barcelona Remón Berenguer IV. Se veiga Remón Berenguer IV ta atros usos.
Remón Berenguer IV dito o santo (Barcelona 1113/1114 - Lo Borg Sant Dalmatz 1162) estió conte de Barcelona, Chirona, Osona, Cerdanya y Ribagorza, y princeps d'Aragón, que en a epoca significaba primus inter pares, con o títol de dominator, dimpués d'a suya voda con Peironela d'Aragón.
Recuperó parte de lo territorio que os cristianos heban perdito dimpués de la Batalla de Fraga (1134) contra los almurabiz. A primera reacción cristiana contra l'anterior abance almurabit encomenzó en 1140, manifestando-se en atros actos entre 1141 y 1142.
En 1140 entregó a tenencia d'a ciudat de Zaragoza a Rodrigo Abarca, dimpués en marzo de 1141 estió tenent de Zaragoza Lope López. En 1141 tornan a haber-ie tenents cristianos en Sarinyena, Pina d'Ebro y Viliella d'Ebro. En l'anyo 1141 fue recuperata Chalamera por iniciativa d'o tenent y d'os habitadors de Zaragoza y no d'o prencipe. En l'anyo 1141 fue recuperata Alcoleya de Cinca y en mayo d'ixe anyo o tenent de Funes yera tamién tenent de Monzón.
Remón Berenguer IV concedió a Daroca en noviembre de 1142 o fuero mes amplo que nunca s'heba dato en Aragón dica ixe inte, atribuindo uns termins en territorios que encara no yeran conquiestos y que correspondeba a los habitadors de Daroca d'ir conquiriendo por iniciativa d'éls.
Reconquerió Tortosa en 1148. Dimpués que s'entregasen Fraga, Mequinenza y Leida en 1149 ocupó Uesa, Ontinyena y Alcanyiz. Atorgó carta de población a Alcanyiz en 1156.
Referencias
Vinclos externos
Categoría:Contes de Barcelona Categoría:Consorts de monarcas d'Aragón Categoría:Muertos en a provincia de Cuneo Categoría:Naixius de Barcelona Categoría:1113 (naixencias) Categoría:1162 (muertes)