Cheminis Los nombres d'os signos zodiacals: Aries, Tauro, Cheminis, Cancro, León, Virgo, Libra, Escurpión, Sachitario, Capricorno, Acuario y Pisces. "Gramática basica de l'aragonés", Estudio de Filología Aragonesa. Prensas de la Universidad de Zaragoza. Pach. 40. (en aragonés os chiminucos u meyos) ye una d'as constelacions d'o zodiaco, situada entre a constelación de Tauro a l'ueste y a de Cancro a l'este. A lo norte, se troban as constelacions d'Auriga y a cuasi invisible d'o Lupo cerbal. A lo sud, as de l'Unicorni y o Can menor.
Caracteristicas En ista constelación, bi son dos estrelas luminosas: Cástor (α), una estrela binaria telescopica (sextuple en l'actualidat), y Pólux, mas luminosa y ubicada mas a o sud-ueste. As altras estrelas son mas esmorteixidas -nomás que una, Alhena (γ), puede alufrar-se bella vez dende as grans ciudaz-, y debuixan un rectanglo enta lo sud-este.
Tamién en ista constelación, en 1930, s'escubrió lo planeta Plutón, amán d'a estrela Wasat (δ Geminorum).
Obchectos L'obchecto d'o cielo prefundo mas luminoso de Cheminis ye M35, un carrazo estelar ubierto de 5ª magnitut, a 2800 anyos luz d'a Tierra. Se troba a lo nord-ueste d'η Geminorum, cerca d'a marguin zurda d'a constelación.
Mitolochía left|thumb|Representación medieval d'os chiminucos Parando cuenta en as estrelas poco luminosas visteras a simple uello, ista constelación pareix debuixar dos feguras alargadas paralelas. Ixo fació que s'identificase con o mito d'os clamaus Dioscuros, Cástor u Pólux, os fillos chiminucos de Leda. O mito d'istos meyos ye muito relacionau con o furto de ganau, y podría estar ligau a visions primitivas d'a Carrera de sant Chaime, en as que serían situaus en metat d'o ganau u d'una rabanyera de vacas leiteras.
A orientación d'a constelación puede variar -ya que continan fendo lo debuixo de feguras alargadas igual si s'enclinan ta la dreita como ta la ezquierda-, anque s'acostumbra a veyer a os chiminucos decantaus enta man zurda. Manimenos, cuan s'enclinan ta man dreita, un d'os chiminucos se troba en a Carrera de sant Chaime y l'altro en ye difuera, o que fa que pareixca que un d'os meyos ye furtando lo ganau y que l'altro se lo mira. Ixo, chunto con a francha d'o cielo que ye desenta (an que agora se considera que i son as nuevas y muito esmorteixidas constelacions d'a Chirafa y o Lupo cerbal) y as altras caracteristicas de l'aria de Cheminis (Orión, Auriga y Can Menor), podría haber estau l'orichen d'o mito d'os ueis de Cherión, un d'os doce treballos d'Heracles.
Astrolochía En l'astrolochía occidental, o signo de Cheminis (21 de mayo-20 de chunio) ye asociau con l'elemento aire; ye, pues, un d'os tres signos d'aire, chunto con Libra y Acuario. En chiminucos tien o suyo domicilio en lo planeta Mercurio. Ye un d'os cuatre signos mutables, chunto con Virgo, Sachitario y Pisces. O suyo oposau ye Sachitario. D'entre as partis d'o cuerpo, os chiminucos gubiernan os brazos y as mans.
As cualidaz que os astrologos acostumbran a acumular-li son os d'un carácter independient, adaptable, peligarcero y elocuent, a la vegada que dual, foricador, malestachero y niervudo.
En o "Libro d'o Trasoro" lo nombran como Gemjnjs, ye dicir "Cheminis".
Referencias
Categoría:Constelacions d'o zodiaco