Dalmau de Mur y Cervellón naixiu de Cervera (Leida) en anyo desconoixiu y muerto en Zaragoza en lo anyo 1456, estió un relichioso catolico que estió arcebispe de Zaragoza dende 1431 dica 1456.
Estió mecenas d'artistas y historiadors, y la suya actividat eclesiastica estió intensa. Celebró un concilio provincial en 1433. Defendió los dreitos de la diocesi debant de la seu primada de Toledo y fació que lo bispe de Segorb-Albarracín li n'estase dependient. Devantó en colechiata la ilesia de Mora de Rubielos.
Consiguió que lo rei reconoixese pa los vasallos d'a mitra lo dreito d'apelar només que a l'arcebispe en las suyas barallas. Fundó una confrairía en honor de la Virchen d'o Pilar.
En lo artistico lo suyo legau ye muit important:
Lo coro d'a Seu de Sant Salvador de Zaragoza. La cadiera de l'altar mayor, tapices y cirios a Santa María. Financió la costrucción d'o salón d'o castiello-palacio de Val de Robres.
Lo suyo escudo d'armas se troba en muitos edificios y tablas por tot Aragón.
Morió en Zaragoza en 1456 y lo apedecoron en lo coro d'a Seu de Sant Salvador. Unas personas con apelliu Dalmau de Val de Robres se consideran descendients suyos.
Vinclos externos Dalmau de Mur en a Gran Enciclopedia Aragonesa.
Categoría:Arcebispes de Tarragona Categoría:Arcebispes de Zaragoza Categoría:Bispes de Chirona Categoría:Muertos en Zaragoza Categoría:Naixius de Cervera Categoría:1456 (muertes)