A parasíntesi ye un proceso de formación de palabras complexo con trazas de derivación u de composición. Bi n'ha de diferents clases.
Prefixo + sustantivo + sufixo Pueden estar verbos (esmorteixer, emporcar), sustantivos (talment semontano), u adchectivos (rebordenco).
En o caso de l'aragonés emporcar, como en o caso d'o castellano aterrizar, o sustantivo prene a forma latina anterior a la diftongación romance, (porco, terra), y esto ye una diferencia important con respecto a la composición.
Atra caracteristica d'esta traza de parasintesi ye que si sacamos o prefixo o conchunto sustantivo+sufixo no tien garra significau, y lo mesmo pasa si sacamos o sufixo con o conchunto prefixo+sustantivo. Estos dos feitos representan una diferencia important con respecto a la derivación.
Un d'os prefixos verbals mes comuns en construccions parasinteticas ye o prefixo a- derivau d'o prefixo latín AD- (amaitinar, apedregar). José Antonio Saura Rami:: Elementos de fonética y morfosintaxis benasquesas. Gara d'Edizions, Institución Fernando el Católico, 2003 pp 333-334.
Sustantivo + sustantivo + sufixo Ye o caso d'o castellano quinceañero y d'o benasqués poticaixada.
Referencias
Bibliografía José Antonio Saura Rami: Elementos de fonética y morfosintaxis benasquesas, Zaragoza, Gara d'Edizions-Institución Fernando el Católico (2003).
Categoría:Morfolochía