Iste articlo ye sobre o grupo de grunge americano. Ta atros usos se veiga Nirvana (desambigación).
Nirvana estió un popular grupo de musica grunge estausunidense, fundato en l'anyo 1987 en Aberdeen, Washington. Con a canción "Smells like teen spirit" d'o disco "Nevermind" de l'anyo 1991, Nirvana se lanzó a la popularidat. Dimpués de Nirvana tamién amaneixioron en Seattle atros grupos que tocaban o mesmo tipo de musica, como Alice in Chains, Pearl Jam u Soundgarden. Os medios de comunicación prencipioron a decir "grunge" a lo rock y pop alternativo que feban istos grupos.
A curta vida de Nirvana remató con a muerte de Kurt Cobain en 1994, pero a suya popularidat creixió encara mas en os anyos posteriors, vendendo en total mas de 50 millons de discos en tot o mundo.
Vinclos externos
Categoría:Grupos de musica d'Estaus Unius Categoría:Grupos de musica en anglés Categoría:Grupos de grunge Categoría:Grupos de rock alternativo