Las piedras de rayos son piedras de mida zaborro que seguntes la creyencia popular en l'Alto Aragón son puntas petrificadas de los rayos y representan talismans contra la suya caita. En chistabín lis dicen rellas. BLAS GABARDA, Fernando y ROMANOS HERNANDO, Fernando, Diccionario Aragonés: Chistabín-Castellano; Gara d'Edizions. Zaragoza, 2008.
La chent creyeba d'antes que los rayos levaban unas piedras en la punta, y que cuan caye un rayo las piedras tornan a salir ta la superficie a lo cabo d'un tiempo.
Las piedras consideradas piedras de rayo gosan estar fósils Fernando Biarge López, Ana Biarge Fernández: Líbranos del mal. Creencias, Signos y Ritos Protectores en la zona pirenaica aragonesa. Editors Fernando Biarge López u Ana Biarge Fernández, 2000. p 162. de gasteropodos con formas subconicas u antigas piezas de pedrenya entalladas como un trianglo u con una punta aguta. Las piezas de pedrenya pueden estar estrals u puntas de lanza d'edat paleolitica, neolitica, u también haber feito part d'un trillo.
Esta creyencia puet tener radices romanas, porque pa los romanos un puesto a on cayeba un rayo se consideraba seguro porque se consideraba no n'i cayería d'atro, convertindo-se en un puesto sagrau. En muitas cabanas de pastor bi ha una piedra de rayo soterrada a la puerta, pa protecher-se contra os rayos.
Un eixemplo de "piedra de rayo" s'ha conservau en Casa Turmo de Merlli (Ribagorza), correspondient a un gasteropodo de la especie Clavilithes parisiensis de lo Eoceno meyo y que se puet veyer en lo libro Libranos del mal. Creencias, Signos y Ritos Protectores en la zona pirenaica aragonesa.
Referencias
Bibliografía Fernando Biarge López, Ana Biarge Fernández: Líbranos del mal. Creencias, Signos y Ritos Protectores en la zona pirenaica aragonesa. Editors Fernando Biarge López u Ana Biarge Fernández, 2000. p 162.
Vinclos externos Lo folklore de los fósils.
Categoría:Mitolochías pirenencas