Eliseo Martín Omenat, conoixiu esportivament como Eliseo Martín, naixiu de Monzón o 5 de noviembre de 1973 ye un corredor de larga distancia aragonés, especializau en cursas de campo a traviesa y fondo, anque os suyos millors resultaus son en a preba de 3.000 metros obstaclos en a que o suyo millor rechistro ye de 8:09.09. O suyo entrenador estió Fernando García, conoixiu popularment como Fondi y o suyo solo equipo estió o Hinaco Monzón.
En 1992 estió campión d'Espanya junior en a cursa de 10.000 metros y estió seteno en ixa mesma cursa y categoría en o Mundial de Seúl. En 1994 y 1995 estió campión d'Espanya en 3.000 metros obstaclos de la categoría promesa (sub-23 en l'actualidat) y una lesión li pribó de competir en os Chuegos Olimpicos d'Atlanta 1996.
En 1999 estió campión d'Espanya en 3.000 obstaclos. En os Campionatos d'o Mundo de Sevilla de 1999 obtenió o seiseno puesto, y en os Chuegos Olimpicos de Sydney 2000 tornó a repetir ixe mesmo puesto.
O 26 de setiembre de 2003 ganó a medalla de bronce en o Campionato Mundial d'Atletismo de París, dimpués de enantar a dos rivals en os zaguers 200 metros. Eliseo Martín, medalla de bronce en París. Tamién estió campión d'Espanya de 3.000 metros obstaclos.
O Comité Olímpico Español li atorgó a Medalla Olimpica en reconoiximiento a os suyos meritos esportivos en ixe anyo, y a Federación Espanyola d'Atletismo li nombró Millor Atleta de l'anyo 2003.
Campionatos internacionals AnyadaTorneyoPuestoResultauAtra información1992Campionatos d'o Mundo JuniorSeoul, Corea d'o Sud 7eno10.000 m1998Campionatos d'EuropaBudapest, Hongría 7eno3.000 m obstaclos1999Campionatos d'o MundoSevilla, Espanya 6eno3.000 m obstaclos2000Chuegos OlimpicosSydney, Australia 6eno3.000 m obstaclos2001Campionatos d'o MundoEdmonton, Canada 12eno3.000 m obstaclos.2002Campionatos d'EuropaMunich, Alemanya 5eno3.000 m obstaclos2003Campionatos d'o MundoParís, Francia 3ero3.000 m obstaclos, 8:09.09 (Millor rechistro personal)World Athletics FinalMontcarles, Mónegue 6eno3.000 m obstaclos2004Chuegos OlimpicosAtenas, Grecia 9eno3.000 m obstaclos
Millors rechistros personals 1.500 metros lisos - 3:40.96 min (2000). 3.000 metros lisos - 7:50.71 min (2003). 5.000 metros lisos - 13:47.77 min (2001). 10.000 metros lisos - 28:39.11 min (1999). 3.000 metros obstaclos - 8:09.09 min (2003).
Referencias
Vinclos externos Perfil esportivo en a pachina web d'a IAAF.
Categoría:Atletas d'o Centro Atlético Monzón Categoría:Campions d'Aragón de Campo a Traviés Categoría:Corredors de meyo fundo d'Aragón Categoría:Corredors de fundo d'Aragón Categoría:Récords d'Aragón d'atletismo Categoría:Atletas d'Aragón en os Chuegos Olimpicos de 2000 Categoría:Atletas d'Aragón en os Chuegos Olimpicos de 2004 Categoría:Atletas d'Aragón en os Chuegos Olimpicos de 2008 Categoría:Naixius de Monzón Categoría:1973 (naixencias)