Gigatrón estió un grupo musical de rock espanyol, naturals de Valencia (Comunidat Valenciana), que feban musica dintro d'os subestilos d'o Hard Rock e lo Heavy Metal, prencipalment paroyando-ne humoristicament a estetica e l'atitut. As suyas cancions estioron composicions propias en bels casos, e adaptacions e traduccions (sobre tot, en clau d'humor) d'as d'altros grupos consolidatos en o panorama d'a musica rock internacional, como Queen, Bon Jovi, Manowar, Guns N'Roses u AC/DC .
Os suyos cuatre miembros surtiban a escena disfrazatos estramboticament, fendo parodia exacherata d'a estetica asociata a la musica Heavy, con pelucas, gafas de sol e impostas, fendo-se decir Dioses (en o suyo role play, designatos personalment per Satán), e exacherando siempre l'atitut de virilidat e superioridat d'o colectivo heavy, alentando lo consumo d'alcol e drogas, e d'enfrentamiento contra d'os pijos e la resta d'a sociedat, tot aquello con un tono humoristico que yera omnipresent en o suyo rol e lo papel escenico que i lebaban asociato.
Os suyos miembros emplegaban nombres artisticos siempre referents a os topicos d'a estetica heavy e lo suyo entorno. En o suyo primer disco anunciaban una falsa discografía, siempre en contino con o ton umoristico d'o grupo, e un pasato glorioso como grupo que se'n tornaba enta Espanya dimpués d'haber conoixito toz os éxitos posibles en os Estaus Unius e lo panorama internacional.
Vinclos externos Pachina web oficial.
Categoría:Grupos de musica heavy metal Categoría:Grupos de hard rock