Bernués ye un lugar en o termin municipal de Chaca, comarca de Chacetania y partiu chudicial de Chaca, en a provincia de Uesca. A suya población ye de 25 habitants censaus, pero nomás 8 viven asti tot l'anyo.
Cheografía O lugar de Bernués ye a 917 metros d'altaria, dencima d'un pueyo a man de l'antigo Camín Reyal de Chaca ta Uesca por Ayerbe, Bernués en Jacetania.es. y tamién amanau a l'antiga vía romana que trescruzaba a sierra de Sant Chuan d'a Penya por Ena. Ye a lo sud de Penya Uruel y d'a sierra de Sant Chuan d'a Penya, a una distancia de 17 km de Chaca. Bernués en AragonEsAsi.com.
As suyas coordenadas son: Latitud, 42,47798; Lonchitud: -0,5856466.
Clima A suya temperatura anyal ye 10.59 °C, con una temperatura meya en chinero de 2.93 °C y en chulio de 20.27 °C. "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
Historia Seguntes Agustín Ubieto Arteta, a primera cita d'o lugar ye de 992, recollida en a edición por su chermano Antonio Ubieto Arteta d'o Cartulario de San Juan de la Peña, en Textos Medievales, 6 (Valencia, 1962), y documenta as variants Bernues, Berne, Bernuasse, Bernuassi, Bernos, Bernuas, Bernoscha, Vernuesse y Verne. Ubieto Arteta, Agustín: Toponimia aragonesa medieval, Valencia, 1972, pachina 58.
En 992 o rey de Navarra Sancho Garcés II (con a suya muller Urraca) donó o lugar a o monesterio de Santa Cruz d'as Serors. Sindembargo, a prencipios d'o sieglo XI o lugar fue cediu a o monesterio de Sant Chuan d'a Penya, que ye a poca distancia a o norte d'o lugar, por o rei Sancho o Gran.
Toponimia Seguntes Gerhard Rohlfs se relaciona con l'antroponimo galo Bernus, con un sufixo aquitano de pertenencia -ossu que evolucionó ta -ués.
Administración Dica a suya incorporación en 1964 a o termin municipal de Chaca, estió un municipio independient, con as pardinas de Lacarrosa, Lorés y Osán.
Molimentos Ilesia parroquial de Sant Martín de Tours, d'estilo barroco, adedicada a Sant Martín de Tours. Ye d'o sieglo XVIII y substituye a una ilesia anterior d'estilo romanico. Rutas GPS por Huesca.
Fiestas 20 de chinero: Sant Sabastián. 11 de chunio: Sant Aleixandre. 15 d'agosto: L'Asumpción d'a Virchen, fiestas mayors.
Referencias
Categoría:Lugars d'a provincia de Uesca Categoría:Localidaz d'Aragón con fiestas patronals ta l'Asumpción de Santa María Categoría:Lugars de Chaca Categoría:Localidaz d'a diocesi de Chaca en a Chacetania