Mafalda ye una historieta en formato de tira que tien como protagonista una nina de seis anyadas clamata Mafalda, que tracta temas ta adultos (politicos y socials).
Fue ideyata per o dibuxant archentino Joaquín Salvado mas conoixito como Quino en l'anyo 1964 ta anunciar rentadoras, ElPais.com Articlo en o diario El País. pero a suya popularidat fue tan gran que tenió que continuar fendo a tira. Actualment ye tradueito a mas de 30 luengas y muito popular en Latinoamerica y bels países europeos como Espanya, Italia, Grecia y Francia.
Personaches famosos Mafalda: Ye la protagonista, nina muito critica y pesimista, procupata per a situación d'o mundo. Li cuaca la politica y odia la sopa. Os pais: O pai ye un oficinista y a mai ama d'a casa, representan a familia de clase meya tipica. Felipe: Tien problemas con a escuela, representa la visión d'o nino (frent a la Mafalda adulta) Manolito: Fillo d'un botiquero, vive encerrinato con os diners, ye un satira d'o capitalismo Susanita: Nina que quiere acomodar-se, tener muitos fillos y ser preciata, representa la visión prototipica d'a muller (frent a Mafalda, que creye en a igualdat de sexos). Ye perén pendient de l'opinión d'os atros. Miguelito: nino mes chicot que representa la tiranía de maniera satirica. Guille: chirmán chicot de Mafalda. Libertad: nina muito cacha (chuegos recurrents con o suyo nombre) y constestataria, d'ideyas similars a las de Mafalda.
Referencias
Vinclos externos Alpartato de Mafalda en a pachina web oficial de Quino. Pachina web oficial de Quino.
Categoría:Cómic Categoría:Personaches de ficción