Sidney Poitier estió un actor estausunidense, naixiu o 20 de febrero de 1927 en Miami Florida y muerto en Los Angeles (California) o 6 de chinero de 2022. Estió un actor, director cinematografico, escritor y diplomatico estausunidense d'orichen bahamenyo, con una larga trayectoria en lo cine estausunidense y que estió premiau con dos Premios Oscar: un Oscar a lo Millor Actor estando lo primer actor negro en aconseguir-lo en ista categoría y unatro honorifico. Estió un activista comprometiu per los dreitos d'os negros y interpretó muitos papels compromesos con os suyos ideyals y realacionaus con la luita y desigualdaz socials.
D'entre la suya amplisma filmografía, pueden mencionar-se cintas como No Way Out (1950, Joseph L. Mankiewicz), Blackboard Jungle (1955, Richard Brooks), Edge of the City (1957, Martin Ritt), The Defiant Ones (1958, Stanley Kramer), Porgy and Bess (1959, Otto Preminger), Paris Blues (1961, Martin Ritt), Lilies of the Field (1963, Ralph Nelson), Duel at Diablo (1966, Ralph Nelson), In the Heat of the Night (1967, Norman Jewison), Guess Who's Coming to Dinner (1967, Stanley Kramer), Uptown Saturday Night (1974, Sidney Poitier), Sneakers (1992, Phil Alden Robinson), The Jackal (1997, Michael Caton-Jones), u Mandela and de Klerk (1997, Richard Wesley).
Premios Sidney Poitier recibió o Premio Oscar a o Millor Actor en 1963 por lo suyo papel en la cinta Lilies of the Field, de Ralph Nelson, en lo primer Oscar concediu a una persona de raza negra en ista categoría, por ista misma cinta recibió un Globo d'Oro a o Millor Actor Dramatico. En 1958 fue nominau a l'Oscar a o Millor Actor por The Defiant Ones, de Stanley Kramer y en 2002 recibió un segundo Oscar Honorifico a tota la suya carrera.
En 1958 recibió un Premio BAFTA a o Millor Actor por la suya actuación en The Defiant Ones, de Stanley Kramer.
En 1982 recibió un Premio Cecil B. DeMille a toda la suya carrera.
Recibió dos Onsos de Plata a o Millor Actor d'o Festival Internacional de Cine de Berlín: en 1959 por The Defiant Ones, de Stanley Kramer; y en 1963 por Lilies of the Field, de Ralph Nelson.
Se veiga tamién Cintas interpretadas por Sidney Poitier.
Vinclos externos
Sidney Poitier en Internet Movie Database.
Categoría:Actors d'Estaus Unius Categoría:Actors de Hollywood Categoría:Diplomaticos d'Estaus Unius Categoría:Directors cinematograficos d'Estaus Unius Categoría:Escritors d'Estaus Unius Categoría:Escritors en anglés Categoría:Globo d'Oro a o Millor Actor Dramatico Categoría:Muertos en Los Angeles Categoría:Naixius de Miami Categoría:Onso de Plata a o Millor Actor Categoría:Premio BAFTA a o Millor Actor Categoría:Premio Cecil B. DeMille Categoría:Premio Oscar a o Millor Actor Categoría:1927 (naixencias) Categoría:2022 (muertes)