A demografía d'Aragón estudia a estructura, evolución y distribución d'a población d'a comunidat autonoma d'Aragón.
A 1 de chinero de 2025, Aragón teneba 1.364.621 habitants seguntes as cifras oficials de población Censo de población a 1 de chinero de 2025. Aragón. Primers resultaus. en Gubierno d'Aragón, Instituto Aragonés d'Estatistica (IAEST), 2 d'aviento de 2025, consultau l'11 d'aviento de 2025; y Censo Anual de Población. Primers resultaus 2025. Ampliación 2022, 2023 y 2024 en Instituto Nacional d'Estatistica (INE), 2 d'aviento de 2025, consultau l'11 d'aviento de 2025., o que representa arredol d'o 2,8 % d'o total estatal. Con una superficie de 47.720 km², a densidat de población ye arredol de 29 hab/km², clarament por debaixo d'a media espanyola.
A población aragonesa se distruye de traza bien desigual: a mayor parte se concentra en l'exe d'a Val d'Ebro y, en particular, en a ciudat de Zaragoza y a suya redolada metropolitana, mientres amplias zonas rurals de Uesca y Teruel presentan una baixa densidat de población y procesos acusaus d'enviellimiento y despoblación. A dinamica demografica recient ye marcada por un creiximiento vechetativo negativo, nomás parcialment compensau por os movimientos migratorios, asinas como por un progresivo enviellimiento d'a estructura por edatz.
Fuents y definicions estatisticas
L'estudio d'a demografía d'Aragón s'apoya fundamentalment en as operacions estatisticas elaboradas por l'Instituto Nacional d'Estatistica (INE) y, en l'ambito autonómico, por l'Instituto Aragonés d'Estatistica (IAEST). Contino se resumen as prencipals fuents emplegadas en iste articlo.
Cifras oficials de población y padrón municipal
As cifras oficials de población provenen d'a explotación d'o padrón municipal d'habitants y son aprebadas anyalment por lo Gubierno d'Espanya, a proposa de l'INE. Istas cifras se refieren a la población empadronada en cada municipio a 1 de chinero de cada anyo y son a referencia legal ta efeutos administrativos y estatisticos.
O padrón municipal ye o rechistro administrativo an o qual constan os vecins de cada municipio. La inscripción en o padrón acredita a condición d'estachero en o municipio, con independencia d'a nacionalidat u d'a situación administrativa d'a presona. Quan en iste articlo se fa referencia a la "población a 1 de chinero" s'alude, fueras d'indicacions contrarias, a istas cifras oficials de población basadas en o padrón.
Censo de Población y Viviendas
O Censo de Población y Viviendas ye una operación estatistica de caracter esaustivo que proporciona información detallada sobre as presonas y os fogars, asinas como sobre as caracteristicas d'as viviendas. Historicament s'ha realizau en Espanya con periodicidat decenal (por eixemplo, en 1981, 1991, 2001 y 2011).
Lo Censo de 2021 fica un cambio metodolochico important, en basar-se de traza predominant en rechistros administrativos, complementaus con encuestas. A partir d'ista operación, la noción clasica de censo decenal se substituye por un modelo en o que una parte d'a información s'actualiza con mayor frecuencia.
Quan en iste articlo se aduze a "población seguntes censos", se ye fendo referencia a las cifras de población estachera obtenidas en os diferents Censos de Población y Viviendas elaboraus por l'INE, diferenciando-las expresament d'as cifras oficials de población que provenen d'o padrón.
Censo anyal de población y atras operacions
Dezaga d'o Censo de 2021, l'INE ha enchegau un sistema de censo anyal de población basau en rechistros administrativos. Iste sistema permite disposar cada anyo d'estimacions de población estachera con un mayor livel de desagregación territorial y tematica que l'ofrexiu por as cifras oficials de población a 1 de chinero.
Amás d'as fuents anteriors, l'analisi demografica d'Aragón puede apoyar-se en atras operacions estadisticas, como as proyecions de población, as estatisticas de movimientos naturals (naixencias y defuncions), as estatisticas de migracions u as encuestas de fogar. De no estar que s'indique lo contrario, as cifras incluidas en iste articlo proceden d'as publicacions oficials de l'INE y d'o IAEST.
Evolución historica d'a población
A evolución demografica d'Aragón dende lo sieglo XIX ha estau marcada por cambios importants tanto en a cuantidat de población como en a suya distribución territorial. A comunidat conoixió un creiximiento sosteniu entre finals d'o sieglo XIX y os primers decenios d'o sieglo XX, seguiu por episodios d'estancamiento y de perda de población, en especial en as suyas arias rurals.
Dende a metat d'o sieglo XX, l'exodo rural y a concentración de población en as ciudatz y en as capitals provincials han prevocau una fuerte despoblación en amplias arias de montanya y de l'interior, en particular en partes d'as provincias de Uesca y Teruel. A partir d'os anyos 1990 y, sobre tot, en a primera década d'o sieglo XXI, a inmigración interior y esterior contribuyó a una recuperanza parcial d'a población total, encara que sin revertir os procesos d'enviellimiento y despoblación en muitos municipios rurals.
En os primers decenios d'o sieglo XXI, Aragón presienta una dinamica carauterizada por un apoco natural frecuentment negativo (mas defuncions que naixencias), que en bells anyos ha estau solo parcialment compensau por l'apoco migratorio. En resultau, a población total amuestra fases alternadas de lixero creiximiento y de estabilidat u lieu disminución, en un contesto de progresivo enviellimiento d'a estructura per edat.
Fuents preestadisticas
Ta os periodos anteriors a la implantación d'os censos modernos de población, lo conoiximiento d'a demografía d'Aragón se basa en fuents de caracter preestatistico, entre as qualas destacan os fogaches u recuentos de fuegos. Iste tipo de rechistros, elaboraus fundamentalment con fins fiscals y militars, no cuentan individuos sino fuegos u fogars, por o que a suya utilización con fins demograficas requiere l'aplicación d'hipotesi sobre a grandaria meya d'os fogars.
En a Corona d'Aragón se conservan diferents fogaches d'os sieglos XV y XVI que permiten amanar-se a la población aragonesa d'a epoca y a la suya distribución territorial. Encara que la suya comparabilidat ye limitada y presentan vueitos documentals, istos recuentos son una fuent fundamental ta lo estudio d'a evolución demografica d'Aragón en a Edat Meya y en a Edat Moderna, antes d'o prencipio d'os censos estatisticos d'o sieglo XIX.
Población seguntes censos
Os censos de población y viviendas, elaboraus por l'Instituto Nacional d'Estatistica (INE), permiten seguir l'evolución d'a población estachera en Aragón a lo largo d'o tiempo. En a tabla siguient se replegan as cifras de población estachera dende metat d'o sieglo XIX dica lo Censo de 2021, seguntes os diferents censos decenals realizaus en Espanya.
Evolución demografica d'Aragón y porcentache respective a lo total de l'estauFuent: Instituto Nacional d'Estadistica (INE). Ta 1787, datos d'o censo de Floridablanca, disponibles en Evolución Población Provincias Espanya 1787 - 1900. Ta lo periodo 1833–2011, censos de población y Series de población de feito en Espanya dende 1900 dica 1991 y Series de población d'Espanya dende 1996. Ta 2021 y 2025, datos d'o Censo anual de población 2021–2025. Cifras de población. Población seguntes comunidat autonoma y provincia y sexo, disponibles en ine.es. Datos consultaus l'11 d'aviento de 2025. 1787 1833 1857 1887 1900 1910 1920 1930 1940 1950 Población 623.055 734.685 880.643 912.197 912.711952.743 997.154 1.031.559 1.058.806 1.094.002 Porcentache 5,96%5,97%5,69%5,19%4,90%4,77% 4,66%4,36% 4,07% 3,89% 1960 1970 1981 1991 1996 2001 2011 2021 2025 Población 1.105.498 1.152.708 1.213.0991.221.546 1.187.546 1.199.753 1.346.293 1.331.938 1.364.621 Porcentache 3,61% 3,39% 3,21%3,10%2,99% 2,92%2,85%2,81%2,78%
Distribución territorial d'a población
A población d'Aragón presienta una distribución territorial bien desigual. A mayor parte d'os habitants se concentra en a Val d'Ebro y, en particular, en a provincia de Zaragoza y en a suya capital, mientres amplias arias d'as provincias de Uesca y Teruel se carauterizan por una densidat de población muy baxa y por procesos de despoblación alongaus en o tiempo.
Población por provincias
As diferencias demograficas entre as tres provincias aragonesas son bien marcadas. Zaragoza concentra una proporción clarament mayoritaria d'a población d'a comunidat, mientres que Uesca y Teruel reunen en conchunto una fración mucho menor d'o total, a pesar d'ocupar una parte significativa d'o territorio aragonés.
En a tabla siguient se reculle a población de cada provincia y a suya densidat de población ta lo zaguer anyo disponible:
+ Población y densidat por provincias d'Aragón (1 de chinero de 2025) Provincia Población (habitants) Superficie (km²) Densidat (hab/km²) % sobre Aragón Uesca 230.087 15.626 14,7 16,9 Teruel 136.091 14.804 9,2 10,0 Zaragoza 998.443 17.194 58,1 73,2 Total Aragón 1.364.621 47.720 28,6 100,0
Desequilibrio territorial A distribución d'a población en Aragón amuestra una fuerte concentración en Zaragoza y en a suya redolada (Comarca Central), en contraste con atras arias con menor densidat.
Entidat Población (2025) % d'Aragón Zaragoza (municipio) 699.007 51,2% Comarca Central 777.204 57,0% Provincia de Zaragoza 998.443 73,2% Aragón (total) 1.364.621 100%
Población por comarcas 220px|right
A organización comarcal permite veyer con mas detalle os contrastes internos d'a comunidat. As comarcas d'a redolada de Zaragoza y de l'exe de l'Ebro presentan as mas grans concentracions de población, mientres que buena parte d'as comarcas pirenaicas y d'as sierras turolenses cuentan con densidatz mui reducidas.
Contino se presienta, a modo d'exemplo, una tabla con a población d'as comarcas aragonesas ta lo zaguer anyo disponible:
+ Población por comarcas d'Aragón (1 de chinero de 2024) Comarca Provincia Población (habitants) Superficie (km²) Densidat (hab/km²) Alto Galligo Uesca 14.143 1.359,80 10,4 Andorra-Sierra d'Arcos Teruel 9.564 675,10 14,2 Aranda Zaragoza 6.120 561,00 10,9 Baixo Aragón Teruel 28.673 1.304,20 22,0 Baixo Aragón-Casp Zaragoza 15.437 997,30 15,5 Baixo Martín Teruel 6.204 795,20 7,8 Campo de Belchit Zaragoza 6.204 1.043,80 5,9 Campo de Borcha Zaragoza 13.886 690,50 20,1 Campo de Carinyena Zaragoza 10.128 772,00 13,1 Campo de Daroca Zaragoza 5.450 1.117,90 4,9 Chacetania Uesca 18.814 1.857,90 10,1 Cinca Baixa Uesca 24.924 1.419,60 17,6 Cinca Meya Uesca 24.886 576,70 43,2 Cinco Villas Zaragoza 30.658 3.062,50 10,0 Comarca Central Zaragoza 777.204 2.288,80 339,6 Comunidat de Calatayú Zaragoza 36.111 2.518,10 14,3 Comunidat de Teruel Teruel 46.827 2.791,60 16,8 Cuencas Meneras Teruel 7.800 1.407,60 5,5 Gúdar-Chabalambre Teruel 7.792 2.351,60 3,3 Litera Uesca 19.072 733,90 26,0 Monegros Uesca-Zaragoza 18.167 2.764,40 6,6 Mayestrato Teruel 3.113 1.204,30 2,6 Matarranya Teruel 8.267 933,00 8,9 Plana de Uesca Uesca 70.352 2.518,10 27,9 Ribagorza Uesca 12.720 2.459,80 5,2 Ribera Alta d'Ebro Zaragoza 28.381 416,00 68,2 Ribera Baixa d'Ebro Zaragoza 8.476 989,90 8,6 Semontano de Balbastro Uesca 24.396 1.166,60 20,9 Sierra d'Albarracín Teruel 4.537 1.414,00 3,2 Sobrarbe Uesca 7.888 2.202,70 3,6 Tarazona y Moncayo Zaragoza 14.167 452,40 31,3 Val de Xalón Zaragoza 30.396 933,30 32,6 Xiloca Teruel 12.532 1.932,10 6,5 Aragón (total) 1.353.289 47.711,70 28,4
Población por municipios
thumb|250px|right|Zaragoza. thumb|250px|right|Uesca. thumb|250px|right|Teruel. thumb|250px|right|Calatayú. thumb|250px|right|Utevo. thumb|250px|right|Monzón. thumb|250px|right|Balbastro. thumb|250px|right|Exeya d'os Caballers. thumb|250px|right|Alcanyiz. thumb|250px|right|Fraga.