L'archipiélagu de Samoa (en samoanu: Motu o Sāmoa) ye un grupu d'islles alcontraes nel centru-sur del océanu Pacíficu. Pertenecen a la rexón de Polinesia.
Políticamente l'archipiélagu ye alministráu como dos entidaes: Estáu Independiente de Samoa, un estáu soberano, conocido como Samoa británica o Samoa Occidental hasta 1997.exteriores.gob.es/ Estáu Independiente de Samoa Samoa Americana, un territorio de los Estaos Xuníos, también llamáu Samoa Oriental.datosmundial.com/ Samoa Americana
Les islles Samoa son un archipiélagu que cubre 3.030 km² nel Pacíficu Sur central, formando parte de Polinesia y de la rexón más amplia d'Oceanía.
Samoa y Samoa Americana Alministrativamente, l'archipiélagu entiende tol Estáu Independiente de Samoa y la mayor parte de Samoa Americana (amás de la Islla Swains, que xeográficamente ye parte de les Islles Tokeláu). Les mases de tierra de les dos xurisdicciones de Samoa tán dixebraes por 64 km d'océanu nos sos puntos más cercanos.
La población de les islles de Samoa ye d'aproximadamente 250.000 habitantes. Los habitantes tienen de mancomún l'idioma samoanu , una cultura conocida como fa'a Samoa y una forma indíxena de gobiernu llamada fa'amatai. Los samoanos son una de les poblaciones polinesies más grandes del mundu, y la mayoría son d'ascendencia puramente samoana .
La evidencia más antigua conocida d'actividá humana nes islles de Samoa data d'alredor del añu 1050. Provién d'un sitiu Lapita nel muelle de Mulifanua na islla d'Upolu.
En 1768, les islles orientales fueron visitaes pol esplorador francés Bougainville, quien les llamó Islles Navegantes. Esi nome foi utilizáu polos misioneros hasta alredor de 1845, y nos despachos oficiales europeos hasta alredor de 1870.
Llocalización Les islles tán aproximadamente a 800 km de Fixi, 530 km de Tonga, 2900 km de Nueva Zelanda y 4000 km de Ḥawai, EE.XX.
Les islles atópense ente 13° y 14° de latitud sur y 169° y 173° de llongitud oeste, y tomen un área d'aproximadamente 480 km d'oeste a este.
Les islles más grandes son d'orixe volcánicu, montascoses y cubiertes de monte húmedu tropical. Dalgunes de les islles más pequeñes son petones de coral con sableres de sable negru.
Referencies
Enllaces esternos Llinia internacional del cambiu de fecha Samoa travel: Web de Turismo de Samoa,
Categoría:Islles d'Oceanía Categoría:Archipiélagos