José Domingo Castaño Solar , más conocido como Pepe Domingo Castaño, foi un presentador de radio y televisión, cantante y escritor gallegu.
Trabayaba como presentador y animador del programa Tiempo de juego de la Cadena COPE, programa pol que fichó n'abandonando en 2010 el Carrusel deportivo de la Cadena SER, en donde trabayó dende 1988«Paco González y Pepe Domingo Castaño fichan por la Cadena Cope» , 13-7-2010 Tamién dirixó El gran musical de la Cadena SER y el programa de televisión 300 millones, emitíu por TVE.
Recibió cuatro premios Ondas en reconocencia a la so carrera y la so aportación al mundu de la comunicación; el «Premiu Nacional a les Artes y les Ciencies aplicaes al deporte» de 2011;«Jose Domingo Castaño, Premio Nacional del Deporte» , cope.es, 16-10-2012. y el «Premiu Joaquín Prat de Radio» dau pola Academia Española de la Radio.
Biografía Castaño empezó con 18 años la so trayectoria profesional, al ser contratáu en 1964 en Radio Galicia, emisora de Santiago de Compostela afiliada a la rede de la Cadena SER. Esti puestu compaxinólo con un trabayu como contable nuna empresa de Padrón, ciudá que tiempu dempués nomaríalu «fíu adoptivu». N'avientu de 1966 colaría de la so ciudá pa ganase la vida en Madrid como artista.
El so trabayu radiofónicu llamó l'atención de la Rede d'Emisores del Movimientu, que lu contrató pa trabayar na principal emisora del grupu, La Voz de Madrid. Ellí desenvolvió el so primer programa musical, conocíu como Club musical. Dos años dempués fichó por Radio Centro, onde consiguió facese popular a nivel nacional gracies a Discoparada. Al mesmu tiempu, empezó la so carrera musical en grupos como Los Ibéricos y los Blue Sky, pa dempués cantar en solitario. En 1968 foi contratáu por Televisión Española pa presentar Biblioteca joven. Ellí conoció a la tamién presentadora María Luisa Seco, con quien tuvo casáu dende 1969 hasta 1981. Cuando l'espaciu foi retiráu, Pepe Domingo siguió en nómina presentando programes xuveniles como A todo ritmo (1971) y Voces a 45 (1975), colos que se consagró como presentador de programes musicales.
La Cadena SER volvió contratalu en 1973, nesta ocasión pa tola rede nacional, como presentador de programes xuveniles y musicales como Voces a 45, Viva la radio y Sintonía sobre ruedas. Sicasí, el so trabayu más reconocíu hasta la fecha foi como presentador de El gran musical, que-y supunxo'l so primer premio Ondas en 1975. La so carrera como cantante solista tamién desapegó gracies a les sos actuaciones n'España ya Hispanoamérica. El 15 de febreru de 1975 foi númberu 1 del programa Los 40 Principales con «Neniña (viste pantalón vaquero)», y en 1979 foi Discu d'Oru en Méxicu conMotivos.
Dempués, presentó en TVE'l programa 300 millones dende 1979 hasta 1983, cuando se retiró d'esti mediu hasta un curtiu regresu en 1995 col programa Número 1 (Telecinco). José Domingo siguió na Cadena SER con distintos programes como Aquí la SER, y tamién na retresmisión d'acontecimientos deportivos como la Vuelta ciclista a España y el Tour de Francia . En 1988 llegó a Carrusel deportivo que presentó primero con Antonio Martín Valbuena y llueu 18 años con Paco González, onde comentó l'actualidá deportiva y cantó los anuncios publicitarios del programa. En 2010 abandonó Carrusel deportivo en desalcuerdo col despidu de Paco González, a quien acompañó cuando foi contratáu pola Cadena COPE esi mesmu añu.
En 2006 publicó Carrusel deportivo: Diario de un año, un llibru que fala de los meyores momentos del programa deportivu, y dos años dempués publicó'l so llibru de poemes Debajo de la parra.
Xunto a Javier Lalaguna, punxo voz a los xuegos d'EA Sports 2006 FIFA World Cup, UEFA Champions League 06/07, EURO 2008 y 2010 FIFA World Cup.
Vida personal Tuvo casáu dende 1985 cola ex-modelu María Teresa Vega, cola que tuvo dos fíos. Ye tíu de l'actriz Cristina Castaño y l'actor Nacho Castaño.
El 14 de mayu de 2020 esplicó que superara la COVID-19.
En 2022 publicó otru llibru tituláu Hasta que se me acaben las palabras...
Falleció nel Hospital Universitariu La Zarzuela de Madrid na madrugada del 17 de setiembre de 2023, a los 80 años, víctima d'una septicemia producida por entueyos tres una infección de gargüelu.
Premios y condecoraciones Cuatro Premios Ondas (1975, 1996, 2002 y 2005) Dos Antena d'Oru (1989 y 2010) Micrófonu d'Oru (2005) Premiu Joaquín Prat (2014) Premiu Nacional del Deporte (2012) Premiu Emilio Castelar (2013) Premiu Diego Bernal (2011) Premiu de l'Asociación Española d'Informadores de Prensa (2010) Medaya Castelao (2015) Fíu Adoptivu de Padrón (1986) II Premiu Nacional de Periodismu Deportivu ‘Manuel Alcántara’ na categoría "Trayectoria" (2019)
Publicaciones Carrusel deportivo: Diario de un año (2006) Debajo de la parra (2008) Hasta que se me acaben las palabras (2022)
Referencies
Enllaces esternos
Categoría:Periodistes deportivos Categoría:Llocutores de radio d'España Categoría:Presentadores de televisión d'España Categoría:Cantantes de Galicia Categoría:Periodistes de Galicia Categoría:Poetes de Galicia Categoría:Premios Ondas Categoría:Presentadores de televisión de Galicia