Tuenti ye una marca de servicios de telecomunicaciones de baxu costu, propiedá de Telefónica, que ufierta servicios de telefonía móvil y Internet (4G) n'Arxentina y Ecuador.Aviso Legal Funciona como un OMV (Operador Móvil Virtual) que usa la rede de Movistar
Orixinalmente, Tuenti foi creáu en 2006 como rede social: ente los años 2009 y 2012, foi la rede social más popular ente los adolescentes y mozos d'España, ya que contaba con más usuarios españoles que Facebook, Twitter y MySpace, con más de 15 millones d'usuarios rexistrados. Tuenti foi hasta llamáu "El Facebook español".
En Llatinoamérica, Tuenti revende la so marca a les filiales de Telefónica pa explotarles dientro del segmentu xoven ofreciendo planes sencillos a precios competitivos. Tamién de los servicios propios d'un operador de telefonía móvil, Tuenti posibilita tamién dexa realizar de forma gratuita llamadas VoIP y mensaxería instantánea a los usuarios al traviés de la so propia aplicación de mensaxería.
En España, el serviciu dexó d'estar disponible'l 1 de xunu de 2022 migrando a los clientes por contratu a O2 y a los de prepagu a Movistar.
Historia Tuenti ye una rede social española fecha en xineru de 2006 por Zaryn Dentzel, un estudiante norteamericanu que güei vive en Madrid (España). Dentzel conoció España al traviés d'un intercambiu que lu llevó a Cabeza del Buey (Badajoz), y a raíz d'ésta esperiencia foi como años más tarde ñacería Tuenti. Al entamu diba dirixíu pa universitarios y sólo dalgunos conocíos pudieron probalu. Más tarde, en vista del so éxitu, permitieron la entrada a más usuarios, pero sólo si teníen invitación. Calcúlase 3 millones d'usuarios n'España, la inmensa mayoría d'ellos universitarios y escolinos (colexales).
Equipu P'atopar programadores ficieron una seleición per internet, incluyíu'l propiu Tuenti. D'ehí fízose un casting y s'elixó al equipu que güei forma l'equipu, que ta formáu por xente de tol mundiu (norteamericanos, polacos, ingleses y españoles).
Nome Según Zaryn Denzel, el nome "Tuenti" surxó de la necesidá d'atopar unu qu'incluyera "tu" y "ti". Pa da-y nome, los miembros baraxaron munchos nomes y al final se decidieron por Tuenti porque se paez a “tu entidá” y porque sonaba bien.
Rede social Tuenti foi la rede social más popular d'España. Ofreceba funciones comunes a les redes sociales del momentu, como crear un perfil, subir fotos y vídeos, conectase y comunicarse con amigos y conocíos. A diferencia de les redes sociales comunes que usen publicidá al traviés de banners, Tuenti siempre utilizó formes alternatives y menos invasives pa respetar la privacidá de los usuarios y la usabilidá del sitiu web.
Perfil Cola pestaña "perfil" accedese al perfil personal, que va amosase tal como lo ven los amigos. El perfil personal ve la foto del perfil, los álbumes de fotos y les últimes fotos nes que s'etiqueta, amigos, l'estáu (que tamién puede cambiar), les páxines que se siguen xunto cola opción de crear una, les redes (estudios y trabayos), información personal y intereses, el "espaciu personal" y los comentarios de los amigos xunto cola opción de responder o eliminar.
Les dos funcionalidaes claves del perfil son «Mi espacio personal» y «Mi tablón». En primer llugar, pueden publicase entrades xunto con vídeos y fotos. Na segunda, van apaecer tolos comentarios que se tuvieron colos amigos y actualizaciones d'estáu del usuariu.
Los «perfiles de tus amigos» siguen el mesmu patrón que'l perfil personal, salvu que hai la opción d'enviar un mensaxe priváu y la de borrar, bloquear o denunciar.
Guetador Tuenti dispón d'un guetador p'atopar a tolos miembros de la rede pol so nome real. Pa reducir los resultaos de la gueta dispón de varios filtros como'l sexu, la edá, el centru d'estudios o trabayu y la zona de folixa.
Estadístiques Sírvense alredor de 2.000 millones de páxines al mes, anque la rede ta en plenu crecimientu. Cada selmana rexístrense alredor de 8.000 usuarios nuevos y calcúlase que cada usuariu la dedica al sitiu dos hores d'usu per sesión,demientres qu'en otres redes sociales como Facebook y MySpace nun se llega a los 45 minutos.
Referencies
Les redes sociales, les primeres n'informar
Enllaces esternos Páxina d'entamu de Tuenti Tuenti Monitor - Software de monitorización pa Tuenti
Categoría:Internet