Shakiba Matin Hashemi ye una política afganistana que foi escoyida en 2005 para representar a la provincia de Kandahar na Wolesi Jirga, la cámara baxa de l'Asamblea Nacional d'Afganistán.
Trayectoria Nun informe sobro Kandahar ellaboráu na Escuela de Posgráu de l'Armada afírmase que Hashemi formaba parte de la Comisión de Mediu Ambiente; que yera directora d'escuela antes d'ocupar el cargu; que'l so padre forma parte del Conseyu Provincial de Kandahar; y que ye miembru del Partíu Nacional Xuníu d'Afganistán.
Hashemi foi reelixida en 2010 con 641 votos. Amosóse abiertamente en contra d'Ahmed Wali Karzai (hermanu del ex presidente Hamid Karzai) y afirmó ser amenaciada por él. Tamién se manifestó en contra de la corrupción, afirmando que-y ufiertaron un sobornu antes de les elecciones, que refugó.
En 2012, Hashemi formó parte d'una misión parllamentaria d'investigación sobro la masacre de Kandahar del 11 de marzu de 2012 nel distritu de Panjwayi. Hashemi y Hamidzi Lali afirmaron que les tropes d'Estaos Xuníos violaren a dos muyeres antes de la masacre. L'exércitu d'Estaos Xuníos concluyó que'l sarxentu primeru Robert Bales yera l'únicu responsable de los disparos.
Reconocencies En 2016, recibió l'agradecimientu de la Organización de Vixilancia de les Elecciones y la Tresparencia d'Afganistán pola so contribución a la implementación del programa «Meyora de la condición de les muyeres a nivel local por aciu la creación de meyores venceyos coles parllamentaries».
Referencies
Enllaces esternos
Categoría:Persones d'Afganistán