Elena Manuela Dolores Cortés Altabas , conocida como Helena Cortesina o Elena Cortesina, foi una baillarina, actriz de cine y teatru y una de les primeres directores y productores de cine españoles. En 1923 rodó la película Flor d'España o La hestoria d'un toreru convirtiéndose al pie d'Elena Jordi (que dirixó en 1918 Thais) nuna de les pioneres del cine español. Tamién foi modelu de Sorolla y amiga de Federico García Lorca. Tres la Guerra Civil española vivió exiliada dende 1937 hasta la so muerte en 1984.
Trayectoria Nacida en Valencia en 17 de xunetu de 1903 —según delles fontes nació n'El Cabanyal—, bien popular ente la segunda y la cuarta década del , yera conocida col llamatu de la "Venus valenciana", un llamatu que darréu tamién utilizó la vedette Carmen Gimeno Presencia.
Empecipió la so carrera como baillarina bien abondo ceo ya que en 1916 yá venía anunciada na prensa la so actuación nun espectáculu de varietés.
En 1920 debutó nel cine nun pequenu papel d'una película dirixida por José Buchs, La vengación del marín, y dempués foi l'actriz principal de La inaccesible, del mesmu director. miniaturadeimagen|L'artista Elena Cortesina enfundada nun traxe de bucéu na Sablera de la Concha de San Sebastián (1920) Un añu dempués montó la so propia productora, Cortesina Films, y en 1922 produció y dirixó con guión del clérigu-dramaturgu José María Granada, la película de cine mudu Flor d'España o La hestoria d'un toreru, considerada la primer película realizada por una cineasta española. Rodada en Madrid y Aranxuez, nella actuó la mesma Helena al pie de les sos hermanes Ofelia y Ángélica.
La película estrenóse primero en Cuba en 1922. Depués en Barcelona (12 d'avientu de 1922) y, de siguío en Madrid. Anque en 1929 entá hai noticies de la so emisión en pantalles de Barcelona, la productora foi liquidada tres la realización d'esti únicu filme. Nel añu 2015, la partitura de la película —compuesta por Mario Bretón, fíu de Tomás Bretón—foi recuperada y estudiada sirviendo para la reconstrucción del filme.
En 1930, cola compañía de Martínez Sierra interpretó la obra de María Lejárraga Triángulu, al pie de Catalina Bárcena.
En 1933 coló a Buenos Aires al pie del escenógrafo y el so compañeru sentimental Manuel Fontanals. Actuó na compañía de Lola Membrives interpretando delles obres de García Lorca, dalguna d'elles empobinada pol mesmu autor.
Al empecipiar la guerra civil, xuniose a l'Alianza d'Intelectuales Antifascistes para la Defensa de la Cultura. Volvió a Arxentina en 1937, esta vegada como exiliada, siguiendo cola so carrera como actriz teatral y cinematográfica. En 1938, participó na película Bodes de sangre, dirixida por Edmundo Guibourg, al pie de otros exiliados como Margarita Xirgú, Amelia de la Torre o Enrique Diosdado. Fixo montaxes teatrales d'autores como Valle Inclán. Tamién collaboró con Margarita Xirgu en distintes pieces de García Lorca.
En 1940, xunto con Andrés Mejuto formó la compañía Cortesina-Mejuto que debutó nel Smart Palace con dos obrasː La Mano del Monu de W. W. Jacobs y Luis N. Parker y El secretu del castiellu de Charles Méré. Tornó esporádicamente a España nos años cincuenta, apaeciendo en papeles secundarios de delles películes. Retiróse como actriz a finales de los años 60.
Morrió en Buenos Aires en 1984. Los sos restos fuelguen nel campusantu de la Chacarita.
Filmografía Directora y productora Flor d'España o La hestoria d'un toreru (1921)
Actriz La venganza del marino (José Buchs, 1920) La inaccesible (José Buchs, 1920) Bodas de sangre (1938) La dama duende (1945) María Rosa (1946) Los tres mosqueteros (1946) A sangre fría (1947) La niña de fuego (1952) Intriga en el escenario (1953) El ojo de la cerradura (1966)
Compositora A sangre fría
Reconocencies En 2022, l'Asociación d'Empresaries, Profesionales y Directives de la Provincia d'Alicante al traviés de l'Asociación Muyeres pola Igualdá y col patrociniu principal de la Diputación Provincial y de ImpulsAlicante convocó el 1º Certame de Curtios Helena Cortesina. Llogró el primer premiu el curtiumetraxe Emilia, de la directora Cristina Guillén.
En 2023, coincidiendo col 100 aniversariu de la so película Flor d'España, la Mostra de Valencia, rindió-y homenaxe, cola esposición Helena Cortesina, una cineasta pionera n'España, y cola publicación del llibru d'igual títulu, escritu por Irene de Lucas Ramón, y comisaria de la esposición.
N'ochobre de 2024, reeditóse el llibru Helena Cortesina, una cineasta pionera n'España, d'Irene de Lucas, col llibretu un llibretu con material promocional de la Flor d'España, atopáu apocayá pol Archivu Fílmicu de la Filmoteca Valenciana.
En 2024, la serie de ficción diaria española de La1, La moderna, incorporó a la trama al personaxe d'Helena Cortesina, esitosa directora, productora y actriz na dómina na que ta ambientada esta serie diaria, alredor de 1930. Apaeció nel capítulu emitíu el 20 de payares. Interpretola l'actriz Berta Caparrós.
Referencies
Bibliografía
Mateo Hidalgo , Javier (2015). «Flor d'España o la vida d'un toreru . una partitura para el cine mudu español». Síneris, Revista de Musicoloxía (nún. 25, branu 2015). ISSN 2254-3643.
Zecchi, Barbara (2013): «Dos pioneres ente el teatru y el cine : Elena Jordi y Helena Cortesina» en @www.academia.edu. Cunill Canals Josep. Elena Jordi .Una reina berguedana a la cort del Paral•lel. Berga. Àmbit de recerques del bergueda. 1999
Enllaces esternos
«Elsiempres dudosu honor de ser la primera : Helena Cortesina .» en fabricadelamemoria.com.
Categoría:Actores y actrices de cine d'España