Castilla-Hermida ye un barriu de la ciudá de Santander (Cantabria). Asitiáu na parte sur de la ciudá, ye unu de los barrios más poblaos de la capital, cuntando con ente 35.000 y 50.000 habitantes.
Nome miniaturadeimagen|250x250px|Vista aérea parcial del barriu Castilla-Hermida: na esquina inferior derecha apréciase l'Archivu Históricu de Cantabria (Tabacalera); dende la izquierda hasta la esquina cimera derecha vense les víes del ferrocarril que cierren el barriu pel norte. El nome del barriu provién de les dos principales cais del barriu, la cai Castilla al norte y la cai Marqués de la Hermida al sur. Estes dos cais percuerren el barriu en tol so llargor, con dirección este-oeste.
Llocalización El barriu de Castilla-Hermida tópase asitiáu na parte sur de la capital cántabra, sobre terrenos ganaos a la mar. El so llende márquenlo les víes de ferrocarril de FEVE y RENFE pel norte; la rotonda de La Marga o de la S-10 y la cai del Concejo pel oeste; el puertu pesqueru, el Barriu Pesqueru y la badea de Santander pel sur; y la intersección de la cai Castilla con Antonio López al este.
Historia El terrén onde s'asitia'l barriu son unos rellenos de la badea de Santander llevaos a cabu ente 1837 y 1883. Les sableres qu'equí esistíen, en dirección a les marismes d'Alday, fueron cubriéndose con tierra y escombrios. La zona yera conocida como Los Arenales o Los Arenales de Maliaño y nella tamién depositaben les dragues de la Xunta d'Obres del Puertu'l sable del fondu de la badea. Equí allugábase un campu de fútbol, onde xugador ente otros l'Eclipse, llegando a xugar el Real Madrid una eliminatoria del Campeonatu d'España de fútbol en dichu campu en 1931.
Col pasu del tiempu empezóse a construyir na zona, primero la llamada Nueva Población de Maliaño (1885), y darréu les viviendes que formen el barriu na actualidá, aportando a unu de los distritos con más población en Santander.
Urbanismu Anguaño el barriu ta nuna serie de reformes p'ameyorar la comunicación, crear espacios verdes, carriles bicis, etc.
Cai Castilla Na cai constrúyese anguaño un paséu que comunique la cai Alta col barriu con zonas verdes, ascensores panorámicos y tamién s'estudia la reordenación del ferrocarril con un posible soterramientu pa crear miles de metros cuadraos de zonas verdes y nueves viviendes.
Cai Marqués de la Hermida Un nuevu paséu marítimu con zones verdes y espacios públicos.
Referencies
Enllaces esternos
Categoría:Xeografía de Cantabria