Les eleiciones municipales d'España de 2023 celebráronse'l domingu 28 de mayu de 2023.
Escoyéronse 67 152 conceyales nos 8131 conceyos del país, amás d'otros cargos d'ámbitu llocal, como los alcaldes de los conceyos abiertos, los conseyeros de los cabildos insulares, los miembros de les Xuntes Xenerales del País Vascu o les entidaes menores. Les eleiciones municipales celebráronse de forma simultánea con delles eleiciones autonómiques y otros comicios.
El sistema d'eleición de los conceyales basóse nun modelu proporcional con Sistema D'Hondt, llistes zarraes y una barrera eleutoral del 5 %. Los alcaldes de los conceyos con réxime de conceyu abiertu escoyeron direutamente por mayoría simple. A resultes d'estes votaciones, tamién se configuraron indireutamente les diputaciones provinciales.
A raíz del cambéu de ciclos políticu que representaron estos comicios, el presidente del Gobiernu d'España, Pedro Sánchez, anunció'l llunes 29 de mayu la disolución de les Cortes y la convocatoria d'eleiciones xenerales anticipaes pal 23 de xunetu de 2023.
Referencies
Enllaces esternos
Categoría:Eleiciones n'España Categoría:2023