La islla Rawaki ye una islla del grupu de les islles Fénix na República de Kiribati, primero conocida como islla Fénix.
Ye un atolón pequeñu y despobláu, d'aprosimao 1,2 por 0,8 km, con 65 ha, ya una llaguna central que nun se comunica col océanu. La islla ta declarada como Santuariu de vida montesa. Foi unu de los sitios d'una empresa d'estracción de guanu, pero foi abandonada n'agostu de 1871. Ta poblada por delles especies d'aves marines, tien les sos especies propies d'invertebraos como el Ixodes amersoni.
Fauna y Flora de Rawaki Rawaki foi descrita como una islla con forma de xamón o pera. La so altitú máxima ye d'aprosimao seis metros. Carez d'árboles y ta cubierta principalmente de yerbes y camperes, lo que la convierte nun escelente llugar de desembarcu y anidación p'aves marines migratories y tortúes. A diferencia de munches otres islles del Pacíficu, nun se repararon aguarones en Rawaki mientres una espedición científica de 1924. Una colonia de coneyos amontesaos introdúxose nel sieglu XIX, pero foi esaniciada en 2008.Rawaki tien la so propia especie de cachiparru marín, Ixodes amersoni.mapcarta, mapa islla Rawaki,
Tamién alluga delles especies de mosques, polillas, cicadélidos, chinches verdes y arañes. Ente les aves marines atópense los charranes fuliginosos, grises y blancos; fragates, petreles y pardelas; piqueros, chorlitos migratorios y zarapitos. Rawaki nunca foi invadíu por aguarones, polo que les poblaciones d'aves sobrevivieron.birdlife, aves de Rawaki,
Arrecifes de Rawaki Los estudios de 2000 (Obura, et al.) identificaron que los sitios nel petón promediaron 60% de cobertoria de coral vivu con algues coralines como la siguiente categoría de cobertoria dominante n'agües someres. A diferencia d'otres islles nos sitios del Grupu Fénix, los corales ramificaos nun fueron dominantes en Rawaki cola cobertoria más alta apurrida por colonies incrustantes/submasivas o plaques de coral. Los corales masivos tamién fueron significativos a esgaya, lo que reflexa l'orixe de los bommies de coral que formen el principal sustratu del petón de los sitios. Les especies de coral más abondoses na islla Rawaki fueron: Acropora cytherea, Montipora efflorescens, Cyphastrea chalcidicum, Goniastrea stelligera, Leptastrea purpurea, Montastraea annuligera, Pavona varians, Pocillopora grandis, Porites lutea.Oceania, Kiribati, Rawaki Island,
Historia A diferencia d'otres islles del grupu Fénix, Rawaki nun paez tar habitada enxamás por polinesios prehistóricos nin por otros isleños del Pacíficu.
Rawaki foi afayada el 23 de febreru de 1824 pol capitán John Palmer a bordu del balleneru londinense Phoenix. El 14 de marzu de 1859, C.A. Williams and Company, darréu Phoenix Guanu Company, Foi freclamada pa Estaos Xuníos en virtú de la Llei de les Islles Guaneras. La compañía estraxo guanu na islla hasta que s'escosó el suministru n'agostu de 1871, momentu nel que les islles fueron abandonaes. Esta reclamación foi darréu abandonada nel Tratáu de Tarawa. El 29 de xunu de 1889, declaróse un protectoráu británicu y la islla foi inspeccionada.
El 18 de marzu de 1937, quedó so la xurisdicción de les islles Gilbert y Ellice, darréu, pasó a formar parte de Kiribati.
En 2008, Rawaki foi incluyida, xunto coles demás Islles Fénix, dientro del Área Protexida de les Islles Fénix, una de les árees marines protexíes más estenses del mundu.
Referencies
Enllaces esternos
Reef of Rawaki, Páxina de "Oceandots" con semeyes satelitales n'inglés
Categoría:Kiribati