Otto Dix foi un pintor y grabador alemán.
Participó na Primer Guerra Mundial, una esperiencia que-y dexó una fonda buelga. Fíxose conocíu poles sos representaciones crudes del conflictu bélicu y pola descripción crítica del estáu d'Alemaña mientres la República de Weimar. Foi ún de los artistes más destacaos del movimientu de la Nueva Obxetividá, xunto con George Grosz y Max Beckmann. Dempués de l'ascensu del nazismu, permaneció n'Alemaña, anque foi consideráu como artista degeneráu. En 1939 foi acusáu de participar nuna trama p'asesinar a Hitler, pero foi lliberáu más tarde. Al final de la Segunda Guerra Mundial foi reclutáu nel Volkssturm, capturáu polos franceses en 1945 y lliberáu al añu siguiente. Tres la guerra, treslladóse a Dresde, na Alemaña Oriental, onde vivió y trabayó. La crítica reconoció la so obra tantu na Alemaña Occidental como na Oriental.
Referencies
Enllaces esternos
Categoría:Pintores d'Alemaña Categoría:Persones de Turinxa