La Biblioteca Dixital de Castiella y Lleón (BDCYL) ye un proyectu de la Conseyería de Cultura y Turismu de la Xunta de Castiella y Lleón, xestionáu pola Biblioteca de Castiella y Lleón, que tien como oxetivu principal facilitar a la ciudadanía l'accesu llibre y de baldre al traviés d'Internet a los fondos bibliográficos y documentales d'autores y temes castellanos y lleoneses que caltienen les biblioteques, archivos y otres instituciones culturales de la comunidá autónoma. D'esta forma, difúndese'l patrimoniu bibliográficu y documental y garantízase la conservación de los bienes que lo constitúin al traviés de la dixitalización de les obres más valioses.
La Biblioteca Dixital de Castiella y Lleón inclúi una amplia colección de recursos dixitales, que son el resultáu de dixitalizar les principales obres sobre la historia, el patrimoniu, la ciencia, la llingua y la cultura de Castiella y Lleón, de forma que cada una de les provincies y llocalidaes que constitúin la comunidá autónoma ta presente nos testos de la biblioteca dixital.
Dende 2008, fecha d'entamu del proyectu, la colección de recursos dixitales vien aumentando de forma regular, hasta algamar la cifra de 33.700 obres dixitalizaes en 2025, que representen casi seis millones de páxines. Según la tipoloxía documental, la colección cuenta con 19.535 llibros, 674 revistes, 1.376 manuscritos, 224 mapes, 240 partitures, 265 rexistros sonoros y 11.354 ilustraciones y fotografíes.Estadístiques de la Biblioteca Dixital de Castiella y Llión.
Referencies
Enllaces esternos
Categoría:Biblioteques d'España Categoría:Castiella y Lleón Categoría:Biblioteques dixitales