Pieter Boddaert foi un médicu y naturalista neerlandés.
Primeros años, familia y educación Boddaert yera fíu d'un xurista y poeta de Middelburg col mesmu nome (1694–1760). El mozu Pieter llogró'l so títulu de medicina na Universidá d'Utrecht en 1764.
Carrera Foi profesor d'historia natural na so alma mater, la Universidá d'Utrecht. Caltiénense catorce cartes de la so correspondencia con Carl Linnaeus ente 1768 y 1775. Foi amigu d'Albert Schlosser, del que describió'l so gabinete de curiosidaes d'historia natural.
En 1783 publicó 50 copies d'una clave d'identificación de les Planches enluminées d'Edmé-Louis Daubenton, les lllámines en color qu'ilustraben la monumental Histoire Naturelle del conde de Buffon (espublizada ente 1749 y 1789), estableciendo nomes científicos binominales a les ilustraciones. Como munchos d'estos nomes fueron los primeros nomes científicos según la taxonomía de Linneo, siguen n'usu. En 2017, la llista mundial d'aves mantenida por Frank Gill y David Donsker en nome de la Unión Internacional d'Ornitólogos incluyó 190 taxones atribuyíos a Boddaert como autor. D'estos, 112 considérense especies y 78 subespecies. Una especie, Fregilupus varius, ta anguaño estinguida.
En 1784 publicó Elenchus Animalium, un "direutoriu d'animales" qu'incluyó los primeros nomes binominales pa dellos mamíferos, incluyendo'l quagga y el tarpán.
Honores y reconocimientos Boddaert ye honráu nel nome científicu d'una especie de culiebra sudamericana, Mastigodryas boddaerti.
Referencies
Enllaces esternos
Categoría:Ornitólogos y ornitólogues de los Países Baxos Categoría:Médicos y médiques de los Países Baxos Categoría:Naturalistes de los Países Baxos