Franc Ivanocy , que'l so verdaderu nome ye Franc Koudela, foi un escritor prekmuru, sacerdote católicu, deán y políticu.
Biografía El pueblu natal d'Ivanocy foi'l trubiecu de Jožef Borovnjak y Aleksander Terplan, dambos importantes autores de la lliteratura prekmura. Ivanocy provenía d'una familia noble, polo que llevaba'l nome de Franc Ivanocy (significa Franciscu d'Ivanovci), en referencia al so llugar de nacencia.
Completó la so educación elemental, secundaria y universitaria en Kančovci (Kančevci), Kőszeg, Szombathely y Budapest. Foi ordenáu sacerdote'l 11 de xunetu de 1882 en Győr. En 1889 foi nomáu párrocu de Tišina. En 1889 foi nomáu deán de Murska Sobota. Viaxó a Italia delles vegaes, onde conoció al Papa Lleón XIII.
Cuando Jožef Borovnjak avieyó, Ivanocy convirtióse nel líder políticu de los eslovenos n'Hungría. Fundó'l Slovenska Lüstva Stranka (Partíu Popular Eslovenu) y escribió folletes polítices en prekmuru. La so obra más importante ye la creación del calendariu católicu prekmuru Kalendar Srca Jezušovoga (Calendariu del Sagráu Corazón). Esti calendariu publicóse hasta 1944. El calendariu también publicaba artículos sobro política, economía y ficción, esto convirtióla nuna publicación versátil.
Como sacerdote por demás intelixente, cultu y decidíu, Ivanocy lluchó contra les autoridaes estatal y eclesiástica, contra toa esplotación y opresión de les persones en términos sociales y étnicos. Nes sos artículos, escribo sobro la necesidá d'una prensa prekmura, poniendo enfotu na nacionalidá y los derechos, y na esmolición pola llingua materna.
Bibliografía
Referencies
Enllaces esternos
Categoría:Escritores en prekmuru Categoría:Sacerdotes católicos Categoría:Políticos y polítiques d'Hungría