Ifalik, tamién escritu Ifaluk, ye un atolón de coral formáu por cuatro islles nel centru de les Islles Carolines nel Océanu Pacíficu, y constitúi un distritu llexislativu del Estáu de Yap nos Estaos Federaos de Micronesia. Ifalik ta asitiáu aproximadamente a 40 km al este de Woleai y a 700 km al sureste de la islla de Yap. La población d'Ifalik yera de 561 persones nel añu 2000, viviendo nun área de 1,5 km2. Les islles principales d'Ifalik llámense Ella, Elangelap, Rawaii y Flalap, que ye la islla principal del atolón.Pacificweb
Xeografía La superficie terrestre total d'Ifalik ye de , pero contién una llaguna de de fondura y d'estensión.Otis W. Freeman, ed., Geography of the Pacific, Wiley 1953 L'área total ye d'aproximadamente seis kilómetros cuadraos.Geosociety
Historia Ifalik yera conocida como una "islla guerrera". Enantes del contautu con Europa, los sos guerreros invadieron les islles esteriores de Yap y tamién delles islles esteriores de Chuuk. Los atolones atacaos incluyeron Lamotrek, Faraulep, Woleai, Elato, Satawal, Ulithi y Poluwat (islla esterior de Chuuk).
Como toles Islles Carolines, la soberanía pasó al Imperiu Alemán en 1899. La islla pasó a tar baxo control del Imperiu del Xapón tres la Primer Guerra Mundial, y foi alministrada dempués baxo'l Mandatu de los Mares del Sur. Tres la Segunda Guerra Mundial, la islla pasó a tar baxo control de los Estaos Xuníos d'América y foi alministrada como parte del Territoriu en Fideicomisu de les Islles del Pacíficu dende 1947, y pasó a formar parte de los Estaos Federaos de Micronesia dende 1979.
Referencies
Enllaces esternos
Categoría:Micronesia Categoría:Atolones