Thomas Nuttall foi un botánicu y zoológu inglés que vivió y trabayó n'Estaos Xuníos ente 1808 y 1841.Graustein, Jeannette E. 1967. Thomas Nuttall, Naturalist: Explorations in America, 1808-1841. Harvard Univ. Press, Cambridge, MA
Nuttall nació nel pueblu de Long Preston, cerca de Settle nel West Riding de Yorkshire y pasó dellos años como aprendiz d'imprentador n'Inglaterra. Poco dempués de colar a los Estaos Xuníos conoció al profesor Benjamin Smith Barton en Filadelfia. Barton animó'l so fuerte interés pola historia natural.
Primeres esploraciones nos Estaos Xuníos En 1810 viaxó a la zona de los Grandes Llagos y en 1811 participó na Espedición Astor dirixida por William Price Hunt en nome de John Jacob Astor pel ríu Missouri. Nuttall foi acompañáu pol botánicu inglés John Bradbury, que recoyía plantes pa los xardinos botánicos de Liverpool. Nuttall y Bradbury dixebráronse del grupu nel puestu comercial colos indios Arikara en Dakota del Sur, y siguieron más arriba pel ríu con Ramsay Crooks. N'agostu tornaron al puestu de los Arikara y xuniéronse al grupu de Manuel Lisa pa volver a St. Louis.
Anque Lewis y Clark ya viaxaren per esa ruta, munchos de los sos especímenes perdiéranse. Por ello, munches de les plantes recoyíes por Nuttall nesti viaxe yeren desconocíes pa la ciencia. La guerra inminente ente Gran Bretaña y Estaos Xuníos fixo que tornara a Londres vía Nueva Orleans. En Londres dedicóse a organizar la so gran colección de plantes y a compartir les sos esperiencies con otros científicos.
Etapa final Dende 1842 hasta la so muerte en 1859, Nuttall vivió en Nutgrove Hall, en St Helens, edificiu construyíu pol imprentador Jonas Nuttall en 1810.History of Nutgrove Methodist Aided Primary School Nuttall ta soterráu en Christ Church nel cercanu pueblu de Eccleston.
Eponimia El World Register of Marine Species recueye 44 xéneros y especies marines nomaes nel so honor col epítetu nuttalli.Species with the epithet nuttalli Delles plantes y aves fueron nomaes en memoria de Nuttall, como Dryobates nuttallii por parte del so amigu William Gambel, y Pica nuttalli y Phalaenoptilus nuttallii por John James Audubon.Richard and Barbara Mearns - Audubon to Xantus Tamién se-y dedicó homenaxe n'especies como Cornus nuttallii, Delphinium nuttallianum, Quercus texana, Mimosa nuttallii, Viola nuttallii, Atriplex nuttallii, Bigelowia nuttallii, ente otres plantes.
El Nuttall Ornithological Club de Cambridge, lleva'l so nome.
Referencies
Enllaces esternos