Alitalia - Società Aerea Italiana S.p.A., qu'operaba como Alitalia (), foi una aerollinia italiana que yera la aerollinia de bandera y la mayor d'Italia. La compañía tenía la so sede en Fiumicino, na Ciudá Metropolitana de Roma Capital. La aerollinia perteneció al Gobiernu d'Italia como empresa nacionalizada dende la so fundación en 1946 hasta que foi privatizada en 2009. Sicasí, tuvo problemes de rentabilidá mientres operaba como empresa privada, incluyíes negociaciones fallíes pa vendela a otres entidaes privaes. La aerollinia entró n'alministración xudicial en 2017 dempués de munchos años de perdes financieres. El gobiernu italianu finalmente recuperó la propiedá de la aerollinia en marzu de 2020.
La aerollinia operaba una flota d'Airbus A319-100, Airbus A320-200, Airbus A321-100, Airbus A330-200, y Boeing 777-200ER con más de 34 destinos programaos nacionales, europeos ya intercontinentales. Operaba dende'l so principal hub nel Aeropuertu Leonardo da Vinci-Fiumicino en Roma. La aerollinia yera miembru dafechu de la alianza SkyTeam, y tenía acuerdu de compartición de códigu con 42 aerollinies. En 2018, la aerollinia foi la decimosegunda mayor aerollinia d'Europa.
El 24 d'agostu de 2021, Alitalia anunció que cesaría les sos operaciones el 15 d'ochobre de 2021, y que los pasaxeros con billetes pa vuelos posteriores podíen reprogramar en vuelos anteriores o solicitar un reembolsu.
El 15 d'ochobre de 2021 Alitalia vendió tola so operación a ITA Airways, una nueva aerollinia de bandera estatal.
Referencies
Enllaces esternos
Categoría:Aereollinies d'Italia Categoría:SkyTeam Categoría:Empreses fundaes en 1946 Categoría:Empreses desapaecíes