Xesús Alonso Montero foi un ensayista, sociollingüista, poeta y conferenciante gallegu. Catedráticu de Lliteratura gallega y miembru de la Real Academia Gallega y del Consello da Cultura Galega.
Biografía Llicencióse en Filosofía y Lletres na Universidá de Madrid y en 1966 doctoróse na Universidá de Salamanca. Militante del Partíu Comunista d'España dende 1962, foi represaliáu en delles ocasiones. Foi caderalgu de Llingua y Lliteratura Españoles de les Escueles de Maxisteriu, exerciendo en Palencia, Lugo y Madrid. Foi tamién, hasta la so xubilación, profesor na Universidá de Santiago. Ente 2013 y 2017 ocupó la presidencia de la Real Academia Gallega.
Destacó nel campu de la sociollingüística con llibros como O porvir da lingua galega (1969) o el polémicu y contestáu Informe -dramático- sobre la lengua gallega (1973). Realizó y publicó estudios sobro escritores gallegos.
Pero tampoco son menos importantes les sos collaboraciones n'otros ámbitos de la lliteratura gallega, como pueden ser la poesía popular y los poetes alófonos en gallegu. Tamién realizó estudios sobre autores de lliteratura española.
Amás de esto, son destacables les sos collaboraciones na prensa gallega, que fueron recoyíes en parte na obra Beatus qui legit: artigos periodísticos (1998-1999). Tien de remarcase el so papel como conferenciante, sobre manera n'España y América. Tamién escribió llibros de poemes.
Coles mesmes realizó escoyetes poétiques de'homenaxe a autores gallegos.
Referencies
Bibliografía
Enllaces esternos
Categoría:Escritores en gallegu Categoría:Ensayistes d'España Categoría:Periodistes de Galicia Categoría:Persones de Vigo