Ciril Kosmač foi un escritor eslovenu.
Biografía Kosmač venía de la rexón costera occidental d'Eslovenia, que cayó en manos d'Italia tres la Primer Guerra Mundial. Yera fíu d'un llabrador y asistió a la escuela en Gorizia.
Ellí, siendo un xoven con mentalidá nacionalista, llueu entró en conflictu col réxime fascista y foi encarceláu. En siendo lliberáu, abandonó Italia illegalmente y se dirixóse a Yugoslavia, onde vivió en Llubliana. En 1938 treslladóse a Francia y durante la Segunda Guerra Mundial a Londres, onde participó viviegamente na resistencia.
En 1944 llogró entrar en Yugoslavia, onde xunióse a los partisanos. Tres la guerra, Kosmač trabayó como periodista, escritor, dramaturgu y tamién nel cine. Na Yugoslavia comunista, atopóse repetidamente con dificultaes polítiques, pero llibróse de les consecuencias gracies a la so relación personal con Josip Broz Tito.
En 1956 instalóse en Portorož, onde pasó'l restu de la so vida.
Obres Kosmač escribió principalmente cuentos y tamién delles noveles más curties. Considérase-y parte de la escuela de pensamientu del realismu socialista. Sicasí, el so estilu estrémase en que tien un marcáu interés polos problemes filosóficos y pol so intelectualismu, lo que lo averó al modernismu eslovenu. Magar los relatos de la década de 1930 seguíen tando apoderaos pol interés na difícil situación del home común y la llibertá nacional, los testos de la década de 1950 esibíen un estilu ensayísticu, marcadamente intelectual y simbólicu.
Referencies
Bibliografía
Enllaces esternos
Categoría:Escritores n'eslovenu Categoría:Escritores d'Eslovenia