Ufones ye una llocalidá del conceyu de Rabanales, asitiáu na comarca d'Aliste, na provincia de Zamora, na comunidá autónoma de Castiella y Lleón, España.
Época Protohistórica Al oeste de la llocalidá atópase'l yacimientu de “El Castro”, que foi un pobláu de la Primera Edá del Fierro, allugáu nel valle del ríu Mena. Esti castro pertenecía a la tribu zoela, enmarcada nel grupu de los Ástures.
Época Romana Xunto a la ilesia parroquial de Santolaya de Méria podemos atopar una pieza de piedra tallada que, supuestamente, representa un falu; créese que ye d'orixe romanu, cristianizáu sieglos dempués por mediu de cruces tallaes na so superficie, siguiendo quiciabes los designios del Segundu Conciliu de Braga, que prohibió adorar a les piedres ya identificó los falos col demoniu.
El cultu fálicu na época romana taba asociáu a Príapu, un dios menor campestru, propiciador de la fecundidá, de les bones colleches y protector del ganáu. Foi tamién símbolu d'una sociedá patriarcal y marca de territorialidá.
Esisten ídolos asemeyaos en llugares tan alloñaos como Grecia, Italia, Francia y Gran Bretaña. En Rabanales puen vese, xunto a la ilesia, otros dos exemplares notables. miniaturadeimagen|“El Rollo” nel so allugamiento actual.
Edá Media Mientres la Edá Media, Ufones quedó integráu nel Reinu de Llión, cuyos monarques habríen acometíu la repoblación de la llocalidá dientro del procesu repoblador lleváu a cabu n'Aliste. Tres la independencia de Portugal del reinu llionés nel añu 1143, la llocalidá habría sufríu, pola so situación xeográfica, los conflictos ente los reinos llionés y portugués pol control de la frontera, quedando estabilizada la situación a principios del sieglu XIII.
Darréu, na Edá Moderna Ufones tuvo integráu nel partíu d'Alcañices de la provincia de Zamora, tal y como reflexaba nel añu 1773 Tomás López nel Mapa de la Provincia de Zamora . Asina, al reestructurase les provincies y creáse les actuales nel añu 1833, la llocalidá caltúvose na provincia zamorana, dientro de la Rexón Llionesa, integrándose nel añu 1834 nel partíu xudicial d'Alcañices, dependencia que se prolongó hasta 1983, cuando foi suprimíu'l mesmu ya integráu nel partíu xudicial de Zamora.
Finalmente, alredor de 1850, l'antiguu conceyu d'Ufones integróse nel de Rabanales.
Fiestes Ufones tien como fiestes principales les de Santolaya de Méria, el 10 d'avientu.
Anécdotes
El Rollu Nel so orixe, el falu, antes mentáu, atopábase nel mediu de la Plaza Mayor de la llocalidá, pero un camión de tresporte que traía cubetes de vinu, que taba dando marcha atrás pa depositar les cubetes nel antiguu bar de la llocalidá, baltólu ya partiólu pela metá.
Depués d'esti incidente apaeció l'alcalde del conceyu proponiendo quitálu pa siempre; dempués de senterase de la noticia, tolos vecinos salieron de les sos cases pa enfrentase col alcalde. Esti tuvo que llamar a la Guardia Civil y los vecinos entamaron a zarandiar el coche de la Benemérita col alcalde dientro; dempués d'unes hores de tensión, l'alcalde consiguió escapar.
Tres esta manifestación decidióse que “El Rollo” seguiría en Ufones, pero non nel mediu de la plaza, sinón xunto a la ilesia. Dempués de dar esta orde, lleváronlu pa Forniellos d'Aliste, introduxéron-y una barra de fierro nel interior y punxeron cimentu pa xunir les dos partes, y asina ye como se topa anguaño.
Ufones collaboró El 13 de setiembre de 1985, ente les 4 y les 5 de la tarde, desamarróse un feroz incendi nel interior d'una finca particular del términu de Rabanales, que quemó 2.200 pinos. Nel periódicu llamáu “El Correo de Zamora” narróse l'incendi d'esta manera:Tres esta vergoñosa declaración, l'entós alcalde de la llocalidá d'Ufones, Felipe Ballesteros Fernández, unvió una carta a la editorial na que dicía lo siguiente:
Ver tamién Rabanales Fradellos Grisuela Matellanes Mellanes Aliste
Referencies
Enllaces esternos
Categoría:Llocalidaes de la provincia de Zamora