L'Axencia Espacial Tripulada de China (en chinu simplificáu: 中国载人航天工程办公室; n'inglés: China Manned Space Agency, CMSA) ye l'organismu responsable de l'alministración y coordinación del programa espacial tripuláu de China. Creóse en xunu de 1993, dempués de l'aprobación pol Gobiernu chinu del programa espacial tripuláu en setiembre de 1992.
Ente les sos funciones tán la planificación y xestión del programa, la coordinación del desarrollu tecnolóxicu, la construcción d'infraestructures, la organización de les misiones de vuelu, l'aprovechamientu de les instalaciones espaciales y la cooperación internacional. L'axencia xestiona proyectos como'l programa Shenzhou, el programa Tiangong, les naves de carga Tianzhou y la Estación Espacial Tiangong. A diferencia de l'Alministración Espacial Nacional China, centrada principalmente nes actividaes espaciales civiles y na cooperación internacional, la CMSA especialízase nel programa de vuelos espaciales tripulaos.
Referencies
Enllaces esternos Sitiu web oficial
Categoría:Axencies espaciales Categoría:Programa espacial de China Categoría:Organizaciones fundaes en 1993