La industria espacial ye'l sector económicu y industrial dedicáu al diseñu, desenvolvimientu, fabricación y operación de tecnoloxíes destinaes al espaciu esterior. Forma parte de la industria aeroespacial y inclúi la construcción de satélites, naves espaciales, sondes, vehículos de llanzamientu y estaciones espaciales, amás de les infraestructures y servicios necesarios pa les operaciones espaciales.
La industria espacial nació principalmente alredor de programes gubernamentales y militares durante les primeres décades de la Era espacial. Dende finales del sieglu XX aumentó progresivamente la participación d'empreses privaes y, nel sieglu XXI, desarrolláronse nuevos mercados venceyaos a los pequeños satélites, les grandes constelaciones, los vehículos reutilizables y los servicios comerciales de llanzamientu.
El sector inclúi tanto la fabricación y el llanzamientu de vehículos como los servicios proporcionaos por sistemes espaciales, ente ellos les telecomunicaciones, la navegación por satélite, la meteoroloxía y la observación de la Tierra. Los Estaos Xuníos, China, Europa, Rusia, Xapón y India tán ente los principales polos de l'actividá espacial mundial.
Ver tamién Industria aeroespacial Axencia espacial Economía espacial Vuelu espacial
Referencies
Enllaces esternos
Categoría:Industria aeroespacial