Un satélite meteorolóxicu ye un satélite artificial utilizáu principalmente pa observar l'atmósfera terrestre, les nubes, los océanos y la superficie del planeta col oxetivu d'obtenir información meteorolóxico y climático.
Los satélites meteorolóxicos proporcionen observaciones continues o periódiques de fenómenos como la distribución y evolución de les nubes, la temperatura de l'atmósfera y de la superficie, la concentración de vapor d'agua, les precipitaciones, los vientos, les tormentes y los ciclones tropicales. Los datos intégrense nos modelos utilizaos na predicción meteorolóxica.
Tipos Según la so órbita, pueden estremase principalmente dos tipos:
satélites xeostacionarios: orbiten sobre l'ecuador a unos 35.786 km d'altor y permanecen aparentemente sobre la mesma rexón terrestre. Permiten observar continuamente grandes zones del planeta y son especialmente útiles pal siguimientu de fenómenos meteorolóxicos que evolucionen rápidamente; satélites polares: operen a menor altitú y percorren órbites cercanes a los polos. La rotación terrestre permite que sucesives órbites cubran progresivamente tola superficie del planeta.
Ente los principales sistemes de satélites meteorolóxicos tán los europeos Meteosat, los americanos GOES, los xaponeses Himawari y los chinos Fengyun.
Ver tamién Meteoroloxía Predicción meteorolóxica Observación terrestre Meteosat
Referencies
Enllaces esternos
Categoría:Meteoroloxía