L'añu 2026 foi utilizáu como escenariu o como fecha relevante en diverses obres de ciencia ficción, especialmente futures distópicos, escenarios posapocalípticos y histories sobre exploración espacial. Ente les representaciones más conocíes figuren Metropolis (1927), dellos relatos de Ray Bradbury integraos posteriormente en The Martian Chronicles (1950) y Dawn of the Planet of the Apes (2014).
Fechos
Metropolis presenta una gran ciudá futura estremada ente una élite que vive na superficie y una masa de trabayadores que caltién les máquines dende enormes instalaciones subterránees. Freder, fíu del dirixente Joh Fredersen, descubre les condiciones de los obreros y acaba implicáu nel conflictu ente estos y la clase gobernante.
Nel universu de The Martian Chronicles, dellos relatos de Ray Bradbury asitien acontecimientos nel 2026. En «There Will Come Soft Rains», una casa completamente automatizada continúa cola so rutina diaria dempués de que los sos habitantes y gran parte de la ciudá desaparecieran nuna guerra nuclear.
En Dawn of the Planet of the Apes (2014), unos diez años dempués de la propagación del virus ALZ-113, gran parte de la población humana morrió y los simios intelixentes lideraos por Caesar establecieron una comunidá cerca de San Francisco. El contactu con un grupu de supervivientes humanos acaba desencadenando un conflictu que prepara la posterior guerra ente les dos especies.
En Red mars (1992), de Kim Stanley Robinson, los Primeros Cien, el primer grupu de colonos destinaos a establecer una presencia humana permanente en Marte, parten de la Tierra a bordu de la nave Ares. Durante'l viaxe empiecen a manifestase les diferencies ideolóxiques sobre la futura organización política y la terraformación del planeta.
Obres ambientaes nel 2026
Lliteratura
Red mars (1992), de Kim Stanley Robinson «There Will Come Soft Rains», de Ray Bradbury, posteriormente incorporáu a The Martian Chronicles, presenta una casa automatizada que sigue funcionando nuna ciudá destruyida pola guerra. «The Million-Year Picnic», de Ray Bradbury, presenta a una familia que llega a Marte y abandona definitivamente una Tierra devastada pola guerra.
Cine
Metropolis (1927), tradicionalmente datada nel 2026 y ambientada nuna ciudá marcada por una división extrema ente clases sociales. Dawn of the Planet of the Apes (2014), ambientada aproximadamente nel 2026, una década dempués de la pandemia que destruyó gran parte de la civilización humana.
Dataciones y obres non incluyíes
En Doom (2005), el 2026 forma parte de los antecedentes de la colonización y de los descubrimientos realizaos en Marte, pero la trama principal tien llugar décades dempués.
La fecha exacta de Metropolis varia según fontes y materiales derivaos. La película orixinal presenta'l mundu como un futuru a cien años de distancia de la dómina de realización y el 2026 convirtióse nuna de les dataciones convencionales de la obra.
Ver tamién
2026 Ciencia ficción nel 2026 Ciencia ficción Distopía Ficción posapocalíptica Marte na ciencia ficción
Referencies
Enllaces esternos
Categoría:2026 2026