Soyuz 1 foi la primer misión tripulada del programa soviéticu Soyuz. Llanzóse'l 23 d'abril de 1967 dende'l Cosmódromu de Baikonur con un únicu tripulante, el cosmonauta Vladímir Mijáilovich Komarov. La misión tenía como oxetivu principal probar la nueva nave en condiciones de vuelu y preparar posteriores operaciones de cita y acoplamientu orbital.Soyuz-1 Conquers the Cosmos: Official TASS Communiques, NASA.
Poco depués d'algamar la órbita empezaron a producise problemes téunicos. Unu de los paneles solares nun se desplegó, lo que reduxo la enerxía disponible y afectó a dellos sistemes de control y orientación. El plan orixinal contemplaba'l llanzamientu posterior de Soyuz 2 pa realizar un alcuentru orbital, pero esti segundu vuelu cancelóse y decidióse facer volver a Komarov a la Tierra.
El regresu tuvo llugar el 24 d'abril. Tres la reentrada, el paracaíes principal nun funcionó correctamente y el de reserva enredóse col sistema de frenáu, polo que la cáusula impactó contra'l suelu a gran velocidá. Komarov morrió nel accidente, convirtiéndose na primera persona en morrer durante una misión espacial.Tragic Tangle: Soyuz-1, NASA. El desastre provocó una revisión profunda del diseñu de la nave antes de retomar los vuelos tripulaos.
Ver tamién Vladímir Mijáilovich Komarov Soyuz 11 Soyuz (nave espacial) Programa Soyuz
Referencies
Enllaces esternos
Categoría:Programa Soyuz Categoría:Accidentes ya incidentes espaciales Categoría:Naves y artefautos espaciales llanzaos en 1967 Categoría:Vuelos espaciales tripulaos