Audrey Tang , ye una programadora, activista de software llibre y figura política taiwanesa, especializada en tecnoloxía cívica, democracia dixital y gobernanza de la intelixencia artificial. Foi la primer ministra d'Asuntos Dixitales de Taiwán y ye una de les primeres persones abiertamente non binaries en formar parte d'un gobiernu nacional.
Tang empezó a programar siendo mui nueva y participó en proyectos internacionales de software llibre. Tamién tuvo un papel destacáu na comunidá de tecnoloxía cívica g0v, dedicada a desenvolver ferramientes dixitales de participación ciudadana y transparencia. La so actividá vinculóse al desarrollu de sistemes de deliberación dixital y participación pública.
En 2016 incorporóse al gobiernu taiwanés como ministra ensin cartera responsable de cuestiones dixitales. En 2022 convirtióse na primer titular del nuevu Ministeriu d'Asuntos Dixitales de Taiwán, cargu que desempeñó hasta mayu de 2024. Dende esi añu exerce como Cyber Ambassador de Taiwán.Audrey Tang, Cyber Ambassador Taiwan.
Tang ye tamién coautora de Plurality: The Future of Collaborative Technology and Democracy y participa en proyectos internacionales sobre democracia, intelixencia artificial y gobernanza dixital. En 2025 recibió'l Right Livelihood Award pola so contribución al usu social de la tecnoloxía.Audrey Tang · Cyber Ambassador, web oficial.
Referencies
Enllaces esternos
Categoría:Políticos de Taiwán Categoría:Programadores Categoría:Activistes pol software llibre Categoría:Persones non binaries