Ángela Corao Vázquez , ye una ximnasta rítmica asturiana que formó parte de la seleición española de ximnasia rítmica na modalidá de conxuntos.
Empezó a prauticar ximnasia rítmica a los once años nel Club Rítmica La Corredoria d'Uviéu. A principios de 2016 participó en xornaes de captación del equipu nacional y n'ochobre d'esi añu incorporóse al conxuntu júnior español, pasando a entrenar nel Centro de Alto Rendimiento de Madrid baxo la dirección d'Ana María Pelaz.
En 2017 compitió col conxuntu júnior en torneos internacionales como los de Pesaro, Corbeil-Essonnes y Portimão. Posteriormente continuó vinculada al equipu nacional; en 2018 formó parte del grupu de ximnastes de rítmica de la Real Federación Española de Ximnasia que participó nos actos de la Selmana Europea del Deporte.Revista RFEG, núm. 19, Real Federación Española de Gimnasia, ochobre de 2018.
Tres la so etapa nel equipu nacional volvió competir col Club Rítmica La Corredoria. En 2021 formó parte del equipu sénior de la entidá que consiguió la segunda posición nel Campeonatu d'Asturies por equipos.Campeonato de Asturias Equipos 2021, Federación de Gimnasia del Principáu d'Asturies.
Referencies
Enllaces esternos
Categoría:Ximnastes rítmiques d'España Categoría:Deportistes d'Asturies Categoría:Persones nacíes n'Uviéu